Indlela yokuthwebula izithombe zezici zezidingo zabakhubazekile

Izivakashi zifuna ukwazi ukuthi zizokwazi ukuhamba ngokuphepha nangokunethezeka endlini ngaphambi kokuba zibhukhe. Ukwabelana ngezithombe ezicacile, ezinemininingwane yezici zezidingo zabakhubazekile kusiza izivakashi zinqume ukuthi indawo yakho iyahlangabezana yini nezidingo zazo ezithile.

“Ngiyakwazi ukubona esithombeni esisodwa ukuthi indawo izongisebenzela yini,” kusho u-George, isivakashi esisebenzisa isihlalo sabakhubazekile. “Noma, ‘Ngiyaxolisa bakwethu, ningalisusa lelo tafula?’ Kuzobe sekulungile-ke.”

I-Airbnb ibuyekeza zonke izici zezidingo zabakhubazekile nezithombe ngaphambi kokuba zivele engxenyeni ethi Izici zezidingo zabakhubazekile zendlu, ehlukile kugalari yezithombe noma izithombe zamagumbi.

Landela lezi ziqondiso ukuze ufake izici zezidingo zabakhubazekile endlini yakho. Uma isithombe singahlangabezani nezimfuneko ezithile, singase sikucele ukuba ufake esinye esihlukile noma usikhiphe leso sici endlini yakho.

• Nikeza okungenani isithombe esisodwa sazo zonke izici zabanezidingo zokukhubazeka zekhaya lakho.
• Faka itheyiphu yokulinganisa ezithombeni ukuze ubonise ubukhulu, njengobubanzi bezinsika zomnyango nokuphakama kwetafula lasekhishini.
• Faka izithombe eziningana zesici ngasinye esithathwe ezindaweni ezihlukene ukuze usize izivakashi ziqonde kangcono igumbi noma indawo.
• Bhala amagama achazayo asiza ekucaciseni izici zezidingo zabakhubazekile zamagumbi nezindawo, njengemininingwane mayelana nokukhanya.
• Tshela izivakashi uma zingangena ezindaweni ezithile kuphela. Ngokwesibonelo, “Leli ukuphela kwegumbi lokugezela endlini elinendawo yokungena engenazitebhisi, umnyango obanzi, nezinsimbi zokubambelela.”

Zama lawa macebiso okuthwebula izithombe zezici zezidingo zabakhubazekile zendlu yakho.

Indlela eya endlini engenazitebhisi

Bonisa ukuthi azikho izitebhisi, noma imibundu engaphezu kwamayintshi ama-2 (amasentimitha angu-5) emnyango wekhaya noma endleleni eholela kulo. Lokhu kuhlanganisa izindlela zokuhamba emgwaqweni ongaphandle, amaphasishi, ama-elevator, nezinye izici izivakashi okumele zizisebenzise ukuze zingene ngaphakathi.

• Vula yonke iminyango namasango endleleni eya emnyango wekhaya. Uma ukungena kuwukungena okungenazo izitebhisi okunamarempu aphathekayo noma emibundu, qiniseka ukuthi abekiwe.
• Qala lapho izivakashi zifikela khona noma zipaka khona, uthathe isithombe njalo emamitheni angu-3 endleleni eya emnyango. Tshekisa ikhamera kancane ibheke phansi ukuze ithathe indlela okuhanjwa kuyo.
• Thatha isithombe esihlukile somnyango ngaphandle. Hlehla okungenani ngamamitha angu-2.4 ukuze uthwebule umnyango ovulekile, ubonise indlela ezinhlangothini zombili zombundu.

Indlela eya ekamelweni engenazitebhisi

Bonisa ukuthi yimaphi amagumbi nezindawo okungangeneka kuzo ngaphandle kwezitebhisi, noma imibundu ephakeme ngamasentimitha angaphezu kuka-5. Thatha izithombe zezindawo zangaphakathi nezangaphandle, kuhlanganise nanoma yimaphi amadekhi, imipheme, novulande.

• Vula umnyango ngokuphelele ukuze uthathe isithombe esiseduze sombundu. Tshekisa ikhamera kancane ibheke phansi ukuze ithathe umzila nhlangothi zombili zephansi noma zombundu.
• Hlehla okungenani ngamamitha angu-1.5 ukuze uthwebule indlela eya egunjini usuka ngaphandle.
• Phinda lokhu bese uthatha isithombe esifanayo ngaphakathi kwekamelo.
• Uma igumbi linezindawo eziningana zokungena, thwebula indawo ngayinye.
• Thatha izithombe ezengeziwe ukuze ubonise indlela eya emnyango omkhulu oya kulelo gumbi.

Izindawo zokungena ezibanzi

Bonisa ukuthi yimiphi iminyango ekhaya lakho okungenani engamasentimitha angu-81 ububanzi. Ukwazi ububanzi bomnyango wangaphambili nezinye izindawo zokungena kusiza izivakashi zinqume ukuthi indawo ingasamukela yini isihlalo sabakhubazekile noma idivayisi yazo yokuhamba.

• Vula umnyango gengelezi. Vula itheyiphu yokukala uyibeke kuyo yonke ifreyimu. Qiniseka ukuthi yomibili imikhawulo yetheyiphu yokukala nezinombolo zayo kuboniswe ngokucacile.
• Thatha okungenani izithombe ezimbili: esisodwa somnyango onetheyiphu yokukala evundla kufreyimu, nesinye esisondelene nokukala kokugcina, ukuze kufundeke kalula.

“Uma sazi izilinganiso zomnyango, ngiyazi ukuthi isihlalo sami sizolunga yini,” kuphawula u-George.

Izinguquko egunjini lokugezela

Bonisa izici ezingasiza izivakashi zikwazi ukusebenzisa igumbi lokugezela, ezihlanganisa ishawa engenazitebhisi, izinsimbi zokubambelela zendlu yangasese nezeshawa, nesihlalo seshawa noma sikabhavu. Nikeza izithombe ezibonisa yonke indlu yokugezela neshawa, kanye nokubukwa okuseduze kwezici ezithile onazo.

• Ishawa engenazitebhisi: Vula ikhethini noma iminyango. Tshekisa ikhamera kancane ibheke phansi ukuze ibonise ukuthi ayikho imibundu noma okuvimba amanzi okungaphezu kwamasentimitha angu-2.5.
• Izinsimbi zokubambelela: Bonisa ngokucacile indawo yezinsimbi zokubambelela kushawa naseduze nendlu yangasese. Thatha izithombe ezihlukile seyodwa ngesikhathi, ngisho noma uzibonisa ndawonye ezithombeni ezibanzi zendlu yokugezela.
• Isihlalo seshawa noma sikabhavu: Bonisa sonke isihlalo singaphakathi kweshawa noma kukabhavu, kungakhathaliseki ukuthi sixhunywe odongeni noma sizimele.

Indawo yokupaka yabakhubazekile

Bonisa indawo yakho yokupaka ephrayivethi yemoto eyodwa okungenani engamafidi angu-11 (amamitha angu-3.35) ububanzi, noma indawo yokupaka kawonk'uwonke eyenzelwe umuntu onokukhubazeka.

• Indawo yokupaka ephrayivethi: Thatha isithombe ukude, imoto ipakwe eceleni kwendawo yesivakashi ukuze kubhekiselwe kuyo. Noma sebenzisa itheyiphu yokukala ukuze uqinisekise ububanzi bendawo.
• Indawo yokupaka kawonk'uwonke: Thwebula izimpawu nezinye izimpawu zomgwaqo ezibonisa ukuthi indawo ibekelwe abantu abanokukhubazeka.

Indlela ekhanyayo eya endaweni yokungena yesivakashi

Bonisa ukuthi indlela noma umzila oseceleni oholela emnyango wezivakashi ukhanya ngokwanele uma kumnyama.

• Vula yonke imithombo yokukhanya yangaphandle ekhanyisa umzila.
• Vala noma yiziphi izibani zangaphakathi eziphazamisa ukukhanya kwangaphandle.
• Qiniseka ukuthi izithombe zakho zibonisa ukuthi izibani zangaphandle ziqhelelene kangakanani nendlela.

Imishini yokuqukula

Bonisa noma yimaphi amadivayisi asebenzisa indlela kagesi noma angasebenzisi indlela kagesi ekhaya lakho enzelwe ngokukhethekile ukusiza izivakashi zingene futhi ziphume esihlalweni sabakhubazekile, endaweni yokubhukuda, noma kubhavu wamanzi ashisayo.

• Thwebula umshini wokuqukula ngokuningiliziwe ngangokunokwenzeka, kuhlanganise nokuthi uxhunywe ophahleni noma uzimele yini.
• Thatha isithombe esibanzi esibonisa ngokucacile indawo yawo eceleni kombhede, indlu yangasese, indawo yokubhukuda, noma ubhavu wamanzi ashisayo.
• Thatha isithombe sendawo ezungezile ukuze ubonise ubukhulu bawo nendawo okuyo lapho usetshenziswa.

Funda kabanzi mayelana nezimfuneko zokufaka izici zabanokukhubazeka kokufakwe ku-Airbnb.

Imininingwane ekulesi sihloko kungenzeka isishintshile selokhu sashicilelwa.