Ithuluzi elisha lokubeka inani liqhathanisa izindlu ezifanayo eziseduze

Inothi lomhleli: Lesi sihloko sishicilelwe njengengxenye yalokho Okukhululwa Ngo-May 2023 Kwe-Airbnb. Imininingwane kungenzeka isishintshile selokhu sashicilelwa. Funda kabanzi mayelana nokukhululwa komkhiqizo wethu wakamuva.

Ngokokuqala ngqa ku-Airbnb, ungaqhathanisa inani lakho nesilinganiso samanani ezindlu ezifanayo ezibhukhiwe eduzane.

ABabungazi abanjengawe basitshele ukuthi kungaba nzima ukwazi ukuthi ukhokhise malini. Siye sawulalela umbiko wenu futhi senza kwaba lula ukuqonda indlela yokubeka inani endaweni okuyo.

Ibalazwe elisha likusiza uthole masinyane isilinganiso samanani ezindlu ezifana neyakho, kungakhathaliseki ukuthi zibhukhiwe noma azibhukhiwe. Ungalisebenzisa noma nini lapho usetha noma ushintsha inani lakho.

“Indlu yethu ivame ukubhukhwa kusasele izinyanga, kodwa ngiyafuna ngempela ukungena ngibone amanye amanani nokuthi aBabungazi endaweni engikuyo bathola malini ubusuku ngabunye,” kusho u-Felicity, ilungu leBhodi Yabeluleki Bababungazi noMbungazi ovelele e-New South Wales, e-Australia. “Ngiyahlola njalo ukuthi amanani ami aphansi. Ngicabanga ukuthi lesi sici sizoba usizo kuBabungazi abaningi.”

Nansi indlela yokuqhathanisa amanani:

• Khetha noma yiluphi usuku ekhalendeni lakho, noma ungakhetha izinsuku ezingaba ngu-31.
Thepha noma uchofoze enanini lakho lobusuku. Inkinobho engezansi kwenani ibonisa i-ayikhoni yebalazwe namagama athi “qhathanisa inani lakho.” Thepha noma uchofoze leyo nkinobho ukuze kuvele ibalazwe lamanani ayisilinganiso ezindlu ezifana neyakho. Ebalazweni, ungakhetha ukubonisa amanani ayisilinganiso ezindlu ezibhukhiwe noma ezingabhukhiwe endaweni yakini.