Xhumana nezivakashi ngokuphumelelayo

Ukukhulumisana ngokuphumelelayo nezivakashi kungenza ukuhlala okuhle kube okubabazekayo. Sebenzisa izici zemiyalezo ze-Airbnb ukuze uthumele imininingwane nezikhumbuzo ezibalulekile, uphendule imibuzo ngokushesha, futhi wamukele izivakashi ngokufudumele.

Indlela othumela ngayo imininingwane isiza ekulungiseleleni ukuhlala. Yenza konke ongakwenza kulokhu:

• Zenze utholakale. Vula izaziso ukuze wamukele futhi uphendule imiyalezo yezivakashi ngokushesha. U-Annette, uMbungazi waseSan Francisco, uthi ngisho nasezinkingeni ezincane, ucela izivakashi ukuba “zisithinte ngokushesha ukuze sizolungisa.”

• Bhala ucacise. Yisho ngokunembile lokho izivakashi ezingakulindela. “Lokho okutshela izivakashi zakho ukuthi zizokuthola nalokho ezikutholayo uma zifika kudingeka kuhambisane,” kusho uDaniel, uMbungazi waseSan Francisco.

• Zenze zikhululeke. Buza izivakashi ukuthi ungazisiza kanjani zizizwe zinethezekile futhi zamukelekile. “Ziyoba khona izinto esingazilindele njengaBabungazi,” kusho uSadie, uMbungazi ovelele waseSanta Fe, eNew Mexico.

• Yiba okhathalelayo. Indlela osabela ngayo enkingeni ingashiya umbono ohlala njalo. “Ungashintsha isimo esinzima sibe okunye ukubhukha uma usisingatha ngendlela efanele, ngokubonisa ukucabangela nangokusebenza ngokushesha ukuze usixazulule,” kusho uFelicity, oyilungu leBhodi Yabeluleki Bababungazi noMbungazi ovelele eNew South Wales, e-Australia.

Cabanga ngalokho izivakashi ezingase zifune ukukwazi ukuze wenze zikujabulele ukuvakasha futhi unciphise imibuzo. Izikhathi ezibalulekile ekuhleleni nasohambweni zihlanganisa:

• Umbuzo noma isicelo sokubhukha. Unamahora angu-24 okuba uphendule lapho izivakashi zithintana nawe, kodwa kungcono ukuphendula ngokushesha ngangokunokwenzeka. Iningi laBabungazi liphendula lingakapheli ihora. 

• Isiqinisekiso sokubhukha. Thumela umyalezo othi “siyabonga ngokubhukha” ukuze wenze izivakashi zikhululeke futhi zazi ukuthi uyatholakala ukuze uphendule noma yimiphi imibuzo.

• Ukufika. Khumbuza izivakashi osukwini olulodwa noma ezimbili ngaphambi kokufika lapho zingathola khona iziqondiso zakho zokungena endlini ku-app, futhi uzinike noma yimaphi amanothi abalulekile mayelana nokungena ngaphakathi.

• Phakathi nokuhlala. Buza izivakashi ngokushesha ngemva kokufika kwazo ukuthi zinakho konke yini ezikudingayo ukuze zenze ukuhlala kwazo kunethezeke. Ungatusa izitolo zakho zendawo ozithandayo, izitolo zokudlela, nezinto ongazenza.

• Ukuhamba. Thumela inothi ngokushesha ngemva kokuphuma ubonge izivakashi futhi uzicele ukuba zibhale ukuphawula. Phawula ngazo ngokushesha ngangokunokwenzeka.

Ukuba nezinga lokuphendula elihle kungesinye sezici eziningana ezingasiza indlu yakho ivele phezulu ekusesheni kwezivakashi ku-Airbnb. 

Sebenzisa lezi zici kuthebhu ethi Imiyalezo ukuze ucabangele futhi uphendule imibuzo evamile ngaphandle kokulibala:

Izimpendulo ezisheshayo 

• Sungula amathempulethi emiyalezo ukuze uthumele kalula imininingwane, njengokuthi kupakwaphi noma ukuthi izivakashi zingashiya yini imithwalo ngaphambi kokuba zingene. 

• Ungawahlela ngendlela yakho la mathempulethi ngamakhodi amafushane agcwalisa ngokuzenzakalelayo imininingwane yesivakashi, ukubhukha, nendlu. 

• Uma usetha izimpendulo ezisheshayo, isici kuthebhu ethi Imiyalezo sisebenzisa i-AI ukuze siqonde umbuzo wesivakashi bese sisikisela ngokuzenzakalelayo impendulo yakho efaneleka kakhulu. 

Imiyalezo eshejuliwe 

• Sungula imiyalezo evamile futhi ushejule ukuthunyelwa kwayo ezivakashini ngezikhathi ezisemqoka, njengalezo ezishiwo ngenhla. 

• Ungayihlela ngendlela yakho le miyalezo nangamakhodi amafushane.

Imininingwane ekulesi sihloko kungenzeka isishintshile selokhu sashicilelwa.