Yenza imali njengombungazi we-Airbnb
Yenza imali njengombungazi we-Airbnb
Kungani kumelwe ubungaze ku-Airbnb?
Akukhathaliseki uhlobo lwekhaya noma lwekamelo odinga ukwabelana ngalo, i-Airbnb yenza kube lula futhi kuphephe ukubungaza izihambi. Nguwena olawula ngokugcwele ukutholakala kwakho, amanani, imithetho yendlu nokuthi uxhumana kanjani nezivakashi.
Sizokusekela
Ukuze ugcine wena, ikhaya lakho kanye nezimpahla zakho ziphephile, sivikela konke ukubhukha ngo-$1M USD ekuvikelweni komonakalo wempahla kanye no-$1M USD yomshuwalense wezingozi.
Ukubungaza ngezinyathelo ezingu-3
Faka indawo yakho mahhala
Yabelana nganoma iyiphi indawo ngaphandle kwezimali zokubhalisa, kusukela ekamelweni lokuhlala elihlanganyelwa nabanye abantu kuya ekhaya lesibili futhi nanoma ngabe yini enye.
Nquma ukuthi ufuna ukubungaza kanjani
Khetha uhlelo lwakho, amanani kanye nezimfuneko zezivakashi. Sikhona ukukusiza njengoba uqhubeka.
Yamukela isivakashi sakho sokuqala
Uma nje indlu yakho isibukhoma, izivakashi ezifanelekayo zingakwazi ukukuthinta. Ungazithumelela nanoma yimiphi imibuzo ngaphambi kokuhlala kwazo.
UDennis ubungaza e-London ngenxa yokuguquguquka enako
UDennis ubungaza e-London ngenxa yokuguquguquka enako
Sikuvikele
Siyazi ukuthi kubaluleke kakhulu ukwethemba abantu abahlala ekhaya lakho. I-Airbnb ikuvumela ukuthi umise izimfuneko eziqinile zokuthi ngubani ongabhukha futhi uzazi izivakashi ngaphambi kokuhlala kwazo. Nokho, uma kwenzeka kuvela okuthile, sizokweseka. Ngesivikelo sethu Sesiqinisekiso Sokubuyiselwa somonakalo wendlu ne-Host Protect Insurance yethu yesikweletu, usekeliwe njengombungazi njalo nje.
Izinkokhelo zenziwe lula
Biza inani olifunayo
Uzikhethela wena njalo inani lakho. Udinga usizo? Sinamathuluzi okukusiza uhambisane nokufunwa endaweni yangakini.
Khokha amanani aphansi
Akukho zindleko zokuvula i-akhawunti. I-Airbnb ngokuvamile ikhokhisa ababungazi u-3% ongaguquguquki ngokubhukha ngakunye, okuyinani eliphakathi kwamanani aphansi kakhulu embonini.
Khokhelwa masinyane
Lapho nje isivakashi sesingenile, singathumela imali yakho nge-Paypal, idiphozithi eqondile noma ngezinye izindlela ezitholakalayo.
UTessa ubungaza e-London ukuze enze imali ethe xaxa
UTessa ubungaza e-London ukuze enze imali ethe xaxa
Mayelana ne-Airbnb
Iyini i-Airbnb?
I-Airbnb ixhumanisa abantu nezindawo zokuhlala kanye nezinto abangazenza emhlabeni jikelele. Umphakathi usekelwa ababungazi, abanikeza izivakashi zabo ithuba eliyingqayizivele lokuvakasha njengomuntu wasendaweni.
Kuyini ukubungaza?
Uma unekamelo elengeziwe, ikhaya lonke, noma ubuchwepheshe, ungenza imali ngokwabelana ngako nanoma ngubani emhlabeni. Ungabungaza ikhaya lakho, okwenziwayo noma wenze kokubili. Kusesandleni sakho ukuthi ubungaza nini.
Imibuzo evame ukubuzwa
Kulula ukuba umbungazi we-Airbnb ezindaweni eziningi, futhi kuhlale kumahhala ukufaka indlu. Amafulethi wonke namakhaya, amakamelo, izindlu ezakhiwe esihlahleni kanye nezigodlo ngezinye nje zezindlu ababungazi asebeke babelana ngazo ku-Airbnb.
Ngemininingwane ethe xaxa ngalokho okulindelwe kubabungazi, hlola izindinganiso zomphakathi/ze-Airbnb, ezigxile ekuphepheni, ukuvikeleka, nokwethenjelwa kanye nezindinganiso zokwamukela izihambi, okusiza ababungazi bazitholele okushiwo izivakashi okuncomekayo.
Sicela wonke umuntu osebenzisa i-Airbnb ukuthi asinikeze imininingwane embalwa ngaphambi kokuba abe nohambo nathi. Izivakashi kudingeka zigcwalise le mininingwane ngokuphelele ngaphambi kokuba zenze isicelo sokubhukha. Le mininingwane isiza ukuthi uqiniseke ngokwazi ukuthi ungalindela bani, nokuthi ungaxhumana kanjani nesivakashi.
Izimfuneko ze-Airbnb ngezivakashi zihlanganisa: • Igama eliphelele • Ikheli le-imeyili • Inombolo yocingo eqinisekisiwe • Umyalezo wesingeniso • Isivumelwano Semithetho yakho Yendlu Imininingwane yokukhokha
Akudingekile, kodwa izivakashi kulindeleke ukuthi zibe nesithombe sephrofayili. Ungase futhi ucele ukuthi izivakashi zinikeze ngomazisi ngaphambi kokubhukha indawo yakho.
Awukhokhi ndibilishi ngokubhalisela i-Airbnb nokufaka ikhaya lakho ohlwini.
Lapho uthola isicelo sokubhukha, sikhokhisa inani lesevisi ye-Airbnb kubabungazi, ngokuvamile elingu-3%, ukusiza ukukhokhela izindleko zokuqhuba ibhizinisi.
Isiqinisekiso Sokubuyiselwa se-Airbnb sihlinzeka ngokuvikelwa okufika ku- $1,000,000 kumbungazi ngomonakalo wendlu evikelwe esimweni esingajwayelekile somonakalo wesivakashi odlula ngale imali ekhishwa uma isivakashi senze umonakalo noma uma ingekho imali ekhishwa uma aisivakashi senze umonakalo.
Uhlelo Lwesiqinisekiso Sokubuyiselwa aluvikeli ukheshi, izibambiso, izinto eziyigugu, imisebenzi yobuciko eyivela-kancane, amatshe ayigugu okuhloba, izilwane ezifuywayo noma isikweletu sakho. Situsa ukuthi ababungazi bavikele noma basuse izinto eziyigugu lapho beqashisa ngendawo yabo. Uhlelo futhi aluhlanganisi ukulahleka noma ukulimala kwempahla ngenxa yokuguga nokugqwala kwento ngokusetshenziswa.
Funda kabanzi mayelana nesiQinisekiso Sokubuyiselwa ku- [http://airbnb.com/guarantee](/guarantee
Inani olikhokhisayo ngendlu yakho linqunywa uwena ngokuphelele. Ukukusiza unqume, ungasesha izindlu ezifanayo edolobheni lakho noma endaweni ezungeze idolobha ukuze uthole umqondo wamanani emakethe. Izimali Ezengeziwe > - Inani lokuhlanza: Ungafaka inani lokuhlanza enanini lakho lobusuku ngabunye noma ungafaka inani lokuhlanza kumasethingi akho wamanani. > - Ezinye izimali: Ukukhokhisa izimali ezengeziwe ngaphandle kwamanani akho (njengenani lokungena sekwedlule isikhathi noma imali yesilwane esifuywayo), kufanele kuqala udalule lezi zinkokhiso ezingaba khona ezivakashini bese usebenzisa Isikhungo Sezixazululo ukuze ucele ngokuphephile ukukhokhwa kwezimali ezengeziwe.
Ithuluzi le-Airbnb Lendlela Yokubeka Inani likuvumela usethe amanani akho ukuthi anyeke noma ehle kuye ngezinguquko zokufunwa kwezindlu efana neyakho.
Uhlala unesibopho senani lakho, ngakho-ke Indlela Yokubeka Inani ilawulwa ngamanye amasethingi wamanani owakhethayo, futhi ungaguqula amanani obusuku ngabunye nganoma yisiphi isikhathi.
Indlela Yokubeka Inani isuselwe ohlotsheni lwendlu yakho nendawo ekuyo, inkathi yonyaka, ukufunwa nezinye izici (njengezenzakalo endaweni yangakini).