Yeqela kokuqukethwe
    Hambisa phambili ukuthola imiphumela esikiselwe

    I-Mainland China: Izimo ezingalindelekile ze-COVID-19

    Ilungiswe ngo-June 25, 2020

    Lesi sihloko sichaza okuhlanganisiwe nezimfuneko ngokukhansela okuhlobene ne-COVID-19 ngaphansi komthetho wethu wezimo ezingalindelekile ngokubhukha okwenziwe yizivakashi ezivela e-China mainland ngokuhlala kanye Nokokuzithokozisa kwe-Airbnb e-China mainland. Uma ukubhukha sekuvele kuqalile (isikhathi sokungena sesidlulile), lesi simo esingalindelekile asisebenzi. Nganoma yikuphi ukubhukha ngaphandle kokubhukha kwasekhaya e-China mainland, bheka isihloko sethu somhlaba wonke sezimo ezingalindelekile ze-COVID-19 ukuze uthole imininingwane yokuhlanganiswa. Ukuze ukhansele ngaphansi kwenqubomgomo, kuzodingeka uhlinzeke ngamadokhumenti asekelayo esimo sakho esingalindelekile

    Ukubhukha okuhlanganisiwe

    Umthetho usebenza ekubhukheni okwenziwe yizivakashi ezivela e-China mainland ngokuhlala Nokokuzithokozisa kwe-Airbnb e-China mainland. Kuvumela ukukhanselwa kokubhukha uma konke okulandelayo kuyiqiniso:

    • Kuphazanyiswa yizeluleko ezisemthethweni zikahulumeni zokuthatha uhambo noma ukuvinjelwa okukwenqabela uthathe uhambo endaweni osuka kuyo noma endaweni oya kuyo futhi
    • Kwenziwe ngosuku noma ngaphambi kosuku okwamenyezelwa ngalo izeluleko noma ukuvinjelwa futhi
    • Usuku lokungena aludluli ezinsukwini ezingu-30 ngaphambi kosuku lokukhansela

    Umthetho awusebenzi ekubhukheni osekuvele kukhanseliwe:

    • Ngaphambi kosuku lezimemezelo ezisebenzayo zikahulumeni noma
    • Ngokususelwa esivumelwaneni sabo bobabili umbungazi nesivakashi

    Thatha ngokwesibonelo ukuqubuka kwe-COVID-19 kwase-Beijing ngo-June 2020. UHulumeni Wabantu KaMasipali wase-Beijing nomnyango wokulawulwa kwezifo wamemezela ngo-June 13, 2020 ukuthi amazinga obungozi ezindawo ezithile eBeijing akhuphuke aba maphakathi noma aba phezulu. Kulesi sibonelo, umthetho awusebenzi kunoma yikuphi ukukhansela okwenziwe ngaphambi kuka-June 13, 2020, noma ekubhukheni okwenziwe ngemva kwalolo suku.

    Amadokhumenti adingekayo

    Uma ukubhukha kwakho kufaneleka, sicela usithinte phakathi nezinsuku ezingu-14 kusuka ngosuku lokukhansela. Uzocelwa ukuthi usinike amadokhumenti akhombisa isizathu sokungakwazi ukuthatha uhambo noma ukubungaza. Sizohlola amadokhumenti bese sibuyela kuwe ngempendulo. Kungabakhona ukubambezeleka ngenxa yesimo samanje se-COVID-19.

    Amadokhumenti abantu abathintekile

    Kokubili ezivakashi noma ababungazi bezindawo zokuhlala Nabokokuzithokozisa kwe-Airbnb:

    • Uma indawo ohlala kuyo iphawulwe yiziphathimandla njengendawo enobungozi obumaphakathi noma obuphezulu be-COVID-19, noma uma ikhodi yakho yemibala Yekhithi Yezempilo ikhombisa okubomvu noma okuphuzi, udinga ukunikeza nge-screenshot Sekhithi yakho Yezempilo, isimemezelo esisemthethweni sokuhlolelwa izinga lobungozi lendawo kanjalo nobufakazi bekheli ohlala kuyo, kanye/noma ubufakazi bendawo yakho efana nescreenshot se-app yebalazwe lakho
    • Uma kutholakale ukuthi uphethwe yi-COVID-19, usoleka ukuthi uphethwe yi-COVID-19, noma uhlukaniswe wedwa ngenxa ye-COVID-19, kufanele unikeze ngobufakazi bezokwelashwa obuhlobene noma amadokhumenti anikezwe yiziphathimandla

    Amadokhumenti ezivimbelo zendawo

    Uma indawo yokuhlala noma Yokokuzithokozisa kwe-Airbnb inezivimbelo zohambo ngenxa ye-COVID-19, umbungazi kufanele anikeze ngamadokhumenti alapho kukhona khona ukuhlala noma Okokuzithokozisa kwe-Airbnb. Lezi zihlanganisa:

    • Umyalelo weziphathimandla wokuhlukaniswa wedwa
    • Imikhawulo yokuhamba esemthethweni noma ezinye izimfuneko ezihlobene ne-COVID-19 zeziphathimandla zasendaweni
    • Isimemezelo noma isaziso somkhawulo wokungena noma wokuphuma esakhiweni noma endaweni

    Amadokhumenti ezinye izimo ze-COVID-19

    • Ubufakazi bokuthi indiza yakho noma into yokuhamba ehamba phansi ikhanselwe ngumhlinzeki wento yokuhamba ngenxa ye-COVID-19 noma izinqubomgomo zomphakathi ezifanele
    • Uphawu lwakho lwesisebenzi noma amadokhumenti afanele ahlinzekwe ngumqashi wakho akhombisa imisebenzi yakho yokulawulwa kwezifo noma yezokwelapha maqondana ne-COVID-19

    Indlela okusebenza ngayo

    Uma uyisivakashi, ungahlola inqubomgomo yakho yokukhansela ukubhukha futhi uthole izindlela zokukhansela ngokukhetha uhambo lwakho ekhasini elithi Uhambo. Uma ukubhukha kwakho kungahlanganisiwe, inqubomgomo yokukhansela yombungazi izosebenza njengokujwayelekile.

    Uma ungumbungazi, uzothola imininingwane kudeshibhodi yakho yokubungaza.

    Sikukhuthaza ukuthi uxhumane nombungazi noma isivakashi sakho ukuthi nixoxisane ngokukhansela nokubuyiselwa kwemali.

    Imininingwane ethe xaxa

    Sihlele izihloko ukusiza umphakathi wethu phakathi nalesi sikhathi Esikhungweni Solwazi. Ungathola imininingwane yakamuva ngesikwenzayo nge-COVID-19, kusuka kwezakamuva ngezinqubomgomo kuye ezinsizeni zababungazi nezivakashi.

    Ungase futhi ufunde umthetho wezimo ezingalindelekile ukuze ufunde ngokuhlanganiswa kwezimo ezingahlobene ne-COVID-19.

    Sicela wonke amalungu omphakathi akhumbule inhlonipho, ukungabandlululi kanye nomthetho wethu wokungabandlululi lapho exhumana namanye amalungu omphakathi wethu.

    Sizoqhubeka nokuhlola ukusetshenziswa kwalo mthetho. Sicela uhlale unake leli khasi ukuze uthole ezakamuva nemininingwane emisha.

    Ulutholile usizo obuludinga?
    Izihloko ezihlobene