Imihlahlandlela yezempilo nokuphepha yokubungaza Okokuzithokozisa ezifundeni ezivulwe kabusha

Njengoba umhlaba uphinda uvuleka futhi Okokuzithokozisa kuqala kabusha ngemva kokuvalwa ngenxa ye-COVID-19, kubalulekile ngathi sonke ukuthi siziphathe ngendlela efanele ukuze sisize ukuvikela impilo nokuphepha kwethu. Sinalokho engqondweni, sisungule isethi yemihlahlandlela yezempilo nezokuphepha ye-COVID-19 Yababungazi Bokokuzithokozisa kwe-Airbnb, ngokusekelwe esiqondisweni esivela kochwepheshe abafana ne-World Health Organization kanye ne-U.S. Centers for Disease Control and Prevention.

• Gqoka isifonyo futhi uzijwayeze ukuqhelelana nomphakathi lapho kudingwa imithetho yendawo noma iziqondiso.
• Khawulela Okokuzithokozisa kwakho kube nomkhawulo wababambiqhaza abangu-10, okuhlanganisa noma yibaphi Ababungazi noma Abasizi Bababungazi.
• Landela iziqondiso zokuhlanza ze-Airbnb ukuhlanza indawo yakho nanoma iyiphi into esetshenziswayo phakathi Nokokuzithokozisa kwakho futhi naphakathi kwesenzeko ngasinye Sokokuzithokozisa. Funda kabanzi.

I-Airbnb yethule iziqondiso nezinhlelo zokusiza ukubhekana nezinkinga zempilo nokuphepha, kodwa lezi zinyathelo azikwazi ukuqeda zonke izingozi. Ikakhulukazi uma usesigabeni sengozi ephezulu (isib: abantu abangaphezu kweminyaka engu-65 noma abantu abanezimo zezokwelapha ezivele zikhona njengesifo sikashukela noma isifo senhliziyo), sincoma ukuthi uthole isiqondiso sochwepheshe futhi uthathe izinyathelo zokuphepha ezengeziwe lapho wenza isinqumo sokubungaza Okokuzithokozisa ku-Airbnb.

Ukusiza ukuvikela impilo nokuphepha komphakathi wethu, kuyinqubomgomo ye-Airbnb ukuthi Ababungazi (kanye Nabasizi Bababungazi) akufanele babungaze noma babambe iqhaza kunoma yiziphi izimo Zokuzithokozisa ezizayo, futhi izivakashi akufanele zihambele Okokuzithokozisa, uma okunye kwalokhu okulandelayo kuyiqiniso:

• Uthelelekile noma kutholwe ukuthi une-COVID-19 ezinsukwini ezingu-14 ezedlule
• Usola ukuthi uyagula noma uchayekile futhi ulinde imiphumela yokuhlolwa kwe-COVID-19
• Ubonisa izimpawu noma ukhathazekile mayelana nokutheleleka nge-COVID-19 okungenzeka ukuthi kwenzekile
• Ube nokuxhumana okuseduze, okuqhubekayo nomuntu okuqinisekisiwe noma okusolwa ukuthi une-COVID-19, phakathi nezinsuku ezingu-14 ezidlule.

Ukuze uthobele imihlahlandlela yezempilo nezokuphepha, kungase kudingeke ulungise kokubili Okokuzithokozisa kwakho nendawo yakho.

Nazi ezinye izinto okufanele uzicabangele:

• Ukuxhumana ngokomzimba: Shintsha umsebenzi wakho ukuze ugweme ukuthintana ngokomzimba phakathi kwezivakashi naphakathi koMbungazi nezivakashi.
• Inhlanzeko: Nikeza amathuba okuthi izivakashi zigeze izandla ngesikhathi Sokokuzithokozisa, futhi ulethe i-sanitizer eyengeziwe. Hlanza nge-sanitizer izinto zokusebenza ngemva kwesivakashi ngasinye (amathuluzi asekhishini, ama-life vest, izihlalo, njll), kokubili ngenkathi kuqhubeka naphakathi kwezimo Zokokuzithokozisa.
• Indawo:
  • Kokuzithokozisa kwasendlini, cabangela ukukhawulela izindawo isivakashi esingangena kuzo endlini yakho ukuze zibe izindawo ezidingekayo kuphela. Lokhu kungasiza ukugwema ukuchayeka okungadingekile kwakho kanye nezivakashi zakho futhi kunciphise inani lesikhala osidingayo ukuze usihlanze futhi usihlanze nge-sanititer ngemva kwalokho.
  • Cabangela ukuthuthela Okokuzithokozisa kwakho endaweni engaphandle, noma ukushintsha indawo yakho yomhlangano nezindawo ozivakashelayo ukuze ugweme izixuku. Cabanga ngezindlela zezokuthutha kanye nendlela yokugwema izikhathi eziphithizelayo noma ukuhamba usondelene nezivakashi zakho.
  • Uma uhlela ukuvakashela izindawo zomphakathi (isb. izindawo zezikhumbuzo, amapaki, indawo yedolobha, njll.), qiniseka ukuthi uhlola izeluleko zendawo kanye nezincomo zezempilo yomphakathi kokubili lapho uthola ukubhukha nangaphambi kokubungaza umbungazi ukuze uqinisekise ukuthi uhambisana nomthetho. Ezinye izindawo manje zinezimfuneko zokungena futhi zingase zicele ukubona ubufakazi bokugoma. Ngaphezu kwalokho, sincoma ukuthi ugcine izivakashi zinyakaza kunokuthi zihlale phansi.
• Ukudla nesiphuzo:
  • Uma Okokuzithokozisa kwakho kubandakanya ukudla noma ukuphuza, qinisekisa ukuthi ababambiqhaza bazijwayeza ukuqhelelana komphakathi lapho bedla noma bephuza.
  • Noma nini lapho kungenzeka, izivakashi kufanele zidle ukudla/iziphuzo ngaphandle noma zikhethe ukugoduka nako.
  • Gwema ukunikeza noma yiziphi izindlela zokuziphakela ukudla neziphuzo. Khetha amasevisi okudla omuntu ngamunye, esikhundleni sokudla njengomndeni kanye nama-buffet.
  • Sebenzisa izinto zesevisi yokudla ezilahlwayo ezihlanganisa izitsha. Uma izinto ezilahlwayo zingenakwenzeka, qiniseka ukuthi zonke izinto zesevisi yokudla ezingalahlwa ziphathwa ngamagilavu futhi ziwashwa ngensipho yezitsha namanzi ashisayo noma emshinini wokuwasha izitsha.
• Ukungenisa umoya: Lapho ubungaza endlini, qinisekisa ukuthi izinhlelo zokungenisa umoya zisebenza kahle futhi wandise ukujikeleza komoya wangaphandle ngangokunokwenzeka ngokuvula amafasitela neminyango.

Njengoba ubuyekeza ikhasi lakho Lokokuzithokozisa, khumbula Inqubomgomo yethu Yokuqukethwe kanye ne-Coronavirus. Ungase usho ukuthi uthatha izinyathelo zokuphepha ezengeziwe, kodwa awukwazi ukusho ukuthi Okokuzithokozisa kwakho “akunayo i-COVID” noma usho okucishe kufane nalokho.

Futhi sinikeza iziqondiso zezivakashi ezenza Okokuzithokozisa. Izivakashi ziyacelwa ukuthi zilandele imithetho yendawo neziqondiso, zigeze izandla zazo, zilethe i-saniter yezandla, zigcine ibanga eliphephile ukusuka kuwe nakwezinye izivakashi, futhi zikhansele futhi zihlale ekhaya uma zigula. Ungase ucele isivakashi ukuthi sishiye Okokuzithokozisa uma senqaba ukulandela imithetho yendawo noma imihlahlandlela.

Sicela ubuyekeze Inqubomgomo Yokubuyisela Isivakashi njengoba ulungiselela ukubungaza usebenzisa imihlahlandlela yethu yokuphepha. Phawula ukuthi izivakashi zingase zithole ukubuyiselwa kwemali ngokuvumelana nenqubomgomo lapho Ababungazi bengalandeli noma bengasebenzisi iziqondiso zokuphepha kuzo zonke izivakashi.

Uma usanda kuthola ukuthi une-COVID-19 noma usuqale ukuzwa noma yiziphi izimpawu ze-COVID-19, cabangela ukwazisa noma ubani okungenzeka ukuthi uthintekile noma okungenzeka uchayekile, kanye neziphathimandla zendawo ezifanele.