Ukulawula indlela obeka ngayo inani

Okufakwe ku-Airbnb okunamanani ashintshwe okungenani izikhathi ezine ngonyaka kwakunobusuku obungaphezu kuka-30% obubhukhiwe kunalakho okungazange kushintshwe, ngokwedatha yethu.* Ukufaka isaphulelo nakho kungasiza nasekuthuthukiseni isilinganiso sokufakile ku-Airbnb emiphumeleni yokusesha ye-Airbnb.

Abanye aBabungazi abanokufakwe ku-Airbnb okungaphezu kokukodwa basitshela ukuthi abawashintshi amanani abo kaningi ngoba kudla isikhathi. Izaphulelo ziyindlela elula yokushintsha inani lakho lobusuku ezimweni ezithile. Futhi amaqoqo emithetho akusiza ushintshe indlela yakho yokubeka inani ngokuphumelelayo.

Ungasetha izaphulelo zokufake ku-Airbnb ngokuqondile ekhalendeni lakho noma kuthebhu ethi Amathuba. Cabangela izinzuzo zesaphulelo ngasinye ukuze unqume ukuthi iziphi ezifanele okufake ku-Airbnb. 

• Isaphulelo sobude bokuhlala: Nikeza izaphulelo kukho konke ukuhlala kusuka ezinsukwini ezimbili kuya emavikini angu-12, okuhlanganisa izaphulelo zeviki nezenyanga. Lokhu kungandisa isilinganiso sobude bokuhlala kokufake ku-Airbnb futhi kunciphise izikhathi zokungena kwezivakashi.
• Isaphulelo somzuzu wokugcina: Nciphisa inani lakho lobusuku uma usuku lokungena lusondela. Lokhu kusiza ekutheni ugcwalise noma yibuphi ubusuku obungabhukhiwe futhi kwandise iholo. Ngezaphulelo ezingu-10% noma ngaphezulu, izivakashi zibona ukubizwa okukhethekile kokufake ku-Airbnb.
• Isaphulelo sababhukha kuqala: Faka isaphulelo sokubhukha okwenziwe kusukela enyangeni eyodwa kuya kwezingu-24 ngaphambi kokungena, futhi wakhe isizinda esiqinile sokubhukha kwezinkathi zonyaka ezizayo. Ngezaphulelo ezingu-3% noma ngaphezulu, izivakashi zibona ukubizwa okukhethekile kokufake ku-Airbnb.
• Iphromoshini yokufakwe ku-Airbnb okusha: Nikeza isaphulelo esingu-20% ekubhukheni okuthathu kokuqala kokufakwe ku-Airbnb okusha. Yenza okufake ku-Airbnb kubhukhwe futhi kuphawulwe ngakho ngokushesha.
• Iphromoshini yokuzenzela: Ukhetha izinsuku namaphesenti esaphulelo enanini lakho. Ngezaphulelo ezingu-15% noma ngaphezulu, izivakashi zibona ukubizwa okukhethekile kokufake ku-Airbnb.
• Isaphulelo esingabuyiselwa mali: Ngokuhambisana nenqubomgomo yakho yokukhansela, nikeza ngo-10% oyisaphulelo enanini lakho futhi ugcine ukukhokhelwa kwakho kungakhathaliseki ukuthi izivakashi zikhansela nini.

Lapho izivakashi zithola khona izaphulelo kuxhomeke emaphesentini esaphulelo.

• U-1% noma ngaphezulu: Izivakashi zithola ukuchazwa kwesaphulelo kokufake ku-Airbnb (uma zingakayiboni kakade ingqikithi yenani lakho) nalapho sezikhokha. Lokhu akusebenzi esaphulelweni somzuzu wokugcina.

• U-10% noma ngaphezulu: Izivakashi zibona umugqa okhanselayo enanini lakho lobusuku emiphumeleni yokusesha nakokufake ku-Airbnb, kanye nakho konke okungenhla.

• U-20% noma ngaphezulu: Izivakashi eziye zasesha okufakwe ku-Airbnb endaweni okuyo muva nje zingase zibone okufake ku-Airbnb kufakwe kuma-imeyili e-Airbnb, kanye nakho konke okungenhla.

Kusukela ngo-November 2023, cishe ikwata yobusuku obubhukhelwe ukuhlala kwesikhathi eside yayingeyohambo lwezinyanga ezintathu noma ngaphezulu. Izivakashi ezifisa ukuhlala kwesikhathi eside zivame ukusesha okufakwe ku-Airbnb okunezaphulelo.

Uma ungafuni ukufaka isaphulelo kuzo zonke izinsuku ezitholakalayo, amaqoqo emithetho akuvumela ukuba ulungise inani lakho lobusuku namasethingi ekhalenda kuye ngezici ezithile. Ungafaka amaqoqo akho emithetho endlini engaphezu kweyodwa noma endlini eyodwa.

Cabanga ngesikhathi sonyaka lapho unquma indlela yokusebenzisa amaqoqo emithetho. Ngokwesibonelo, ake sithi isidingo endaweni okuyo iyashintsha ngokwezinkathi zonyaka. Ungasungula iqoqo lemithetho eshintsha amasethingi akho ngezikhathi lapho ukubhukha kuvame ukuncipha khona. Ungase ukhethe ukufaka izaphulelo zababhukha kuqala nobude bokuhlala, wandise umkhawulo wakho wobude bokuhlala, futhi ufake ukubhukha kosuku olufanayo ukuze uhehe izivakashi ukuba zibhukhe izinsuku zakho ezitholakalayo.

Ngaphezu kwezaphulelo, ungashintsha lawa masethingi okutholakala eqoqweni lemithetho.

• Izimfuneko zobude bohambo: Setha iminimamu nomkhawulo wokuhlala, ongawuqoka ngokosuku.
Izimfuneko
• zokungena nokuphuma: Khetha izinsuku izivakashi ezingena futhi ziphume ngazo.

Ukuze usebenzise amaqoqo emithetho, qiniseka ukuthi ukhethe ukungena kumathuluzi okubungaza okuphrofeshinali. (Uma unokufakwe ku-Airbnb okuyisithupha noma ngaphezulu, ungeniswa ngokuzenzakalelayo.) Lawa mathuluzi atholakala kudeskithophu kuphela.

Uma iqoqo lemithetho lisetshenziswa, lizongena esikhundleni sanoma yimaphi amasethingi asekhona okubekwa kwamanani nokutholakala kobusuku, okuhlanganisa i-Smart Pricing.

Ukuze usungule iqoqo lemithetho elisha:

1. Iya kokuthi Ikhalenda elibonisa izindlu eziningi.
2. Khetha izinsuku ongathanda ukusebenzisa kuzo iqoqo lemithetho.
3. Kuphaneli, khetha imithetho.
4. Chofoza okuthi Sungula iqoqo lemithetho elisha.
5. Lethe igama iqoqo lakho lemithetho (njengokuthi “Isizini ematasa”).
6. Eceleni komthetho ofisa ukuwufaka, chofoza okuthi Hlela.
7. Faka imithetho yakho yokubeka inani nokutholakala.
8. Chofoza okuthi Gcina.
9. Ukuze ususe umthetho, chofoza okuthi Khansela.

Ukuze ushintshe iqoqo lemithetho eselikhona:

1. Iya kokuthi Ikhalenda elibonisa izindlu eziningi.
2. Chofoza amaqoqo emithetho.
3. Skrola uye eqoqweni lemithetho ofisa ukulimenenja, bese uchofoza okuthi Shintsha.

*Ngokwedatha ye-Airbnb yokufakwe ku-Airbnb okusebenzayo kusukela ngo-July 2022

Uma usebenzisa isofthiwe exhunywe ku-API, uzokwazi ukuthola lezi zici kusofthiwe yakho uma umhlinzeki wakho ezifakile. Uma kungenjalo, xhumana nomhlinzeki wakho ukuze uthole ukuthi zizotholakala nini. Amaphromoshini aqokiwe angasetshenziswa kuphela ngokuqondile ku-Airbnb. Ezinye izici zokudayisa, njengesitayela sokukhansela ngomugqa, kungenzeka zingaveli kumaphromoshini akwezinye izindawo.

Imininingwane ekulesi sihloko kungenzeka isishintshile selokhu sashicilelwa.