Ukulondoloza ikhwalithi

Izilinganiso nokuphawula okuphezulu kungaholela ekutholeni ukubhukha neholo elengeziwe. Ngemva kokuphuma, izivakashi zinganikeza isilinganiso sakho konke ukuhlala kwazo, kanye nenhlanzeko, ukunemba, ukungena, ukukhulumisana, indawo, nenani.

Nakuba izilinganiso zingeyona ukuphela kwendlela yokukala ukuhlala kwezinkanyezi ezinhlanu, ukwenza kahle kulezi zigaba eziyisithupha ngaso sonke isikhathi kubalulekile.

Izivakashi zilindele ukuba izithombe zakho, izinto ezidingekayo, nezincazelo zifane nezindawo zakho ezingokoqobo. Uma unesevisi yangezinkathi ezithile zonyaka njengendawo yokubhukuda, ungakhohlwa ukushintsha okufake ku-Airbnb lapho indawo yokubhukuda ivaliwe. 

U-Samantha, uMbungazi ovelele e-Belfast, e-Maine, onokufakwe ku-Airbnb okungu-20, usetha lokho okulindelekile ngokunikeza izincazelo eziningiliziwe zokufakwe ku-Airbnb ngezithombe zakamuva. Uthi, “Sizama nokuqinisekisa ukuthi zikhona zonke izinto ezidingekayo esizinikezayo, ukuze izivakashi zazi ukuthi yini ezingayilindela.” Uzama ukuvuselela izithombe zakhe ngezinkathi ezithile zonyaka futhi abuyekeze okufakwe ku-Airbnb inyanga ngayinye.

Gcwalisa iziqondiso zokungena kukho okufake ku-Airbnb, ngemininingwane yesinyathelo ngasinye nezithombe uma kunesidingo. Lapho kufakwe khona i-smart lock, xhuma ama-smart lock afanelekayo ku-akhawunti yakho ye-Airbnb ukuze usungule ngokuzenzakalelayo ikhodi yokuhlala kwesivakashi ngasinye.

U-Corinne, uMbungazi ovelele e-Purcellville, e-Virginia, onokufakwe ku-Airbnb okungu-36, usungula umyalezo omfushane onemininingwane yendlu neziqondiso zokufika kukho konke okufakwe ku-Airbnb. Lo myalezo uwushejulela ezinsukwini ezintathu ngaphambi kokungena. Lokhu kukusiza ugweme imibuzo yomzuzu wokugcina futhi uqinisekise ukuthi ukungena kuhamba ngokushelelayo.

Ungase usungule uhlu lwezinto okumelwe zenziwe oluningiliziwe ezindlini zakho, ukuze labo abahlanzayo balandele inqubo efanayo ukuze kungabi nokuthile abakukhohlwayo. U-Corinne unohlu oluningiliziwe lwezinto okumelwe zenziwe azenzele lona endlini ngayinye. 

Uthenga futhi izinto ezibalulekile ngobuningi futhi ugcina izinto ezidingekayo endaweni eyodwa. “Uma kubikwa ukuthi kunokuthile osekuzophela, sishejula ukuba kugcwaliswe lapho kuhlanzwa ngokulandelayo,” kusho u-Corinne.

Izinga lokuphendula likala indlela oshesha ngayo ukuphendula emibuzweni nasezicelweni zokubhukha. Sebenzisa izimpendulo ezisheshayo nemiyalezo eshejuliwe ukuze wonge isikhathi. 

“Nginezimpendulo ezisheshayo ezilungele ukuhambisana nemibuzo evame ukubuzwa mayelana nezinto ezinjengemigodi yomlilo nobhavu wamanzi ashisayo kanye nebanga lokuya ezindaweni ezithandwayo,” kusho u-Kory, uMbungazi Ovelele eChicago onokufakwe ku-Airbnb okuyisikhombisa.

Kungakhathaliseki ukuthi indlu isedolobheni noma isemaphandleni, cacisa indawo ekuyo encazelweni yokufakwe ku-Airbnb. Ungase usho nalokho okulindelekile mayelana nendawo esihlokweni sakho nasezincazelweni zezithombe.

“Okokuqala engakufaka ku-Airbnb kwakukude nenkaba yedolobha,” kusho uTatiya, ilungu leBhodi Yabeluleki Bababungazi noMbungazi ovelele eBangkok obungaza okufakwe ku-Airbnb okuhlanu futhi ongumbungazi ongumsizi kokufakwe ku-Airbnb okungu-44. “Ngesikhathi izivakashi zibambeke esiminyaminyeni sethrafikhi yaseBangkok, ngathola izilinganiso eziphansi. Kwangithatha isikhathi ukuba ngiqhubeke ngishintsha incazelo yalokho engikufake ku-Airbnb ukuze ngikwazi ukumenenja okulindelwe izivakashi.”

Inhlanzeko, ukunemba, ukungena, ukukhulumisana, nendawo konke kunomthelela enanini eliphelele lalokho okufake ku-Airbnb. Uma uthola konke lokhu okuyisihlanu futhi ugcina idizayini yakho nezinto ezidingekayo kubuyekeziwe, makhulu amathuba okuba izivakashi zibe nomuzwa wokuthi zikhokhe inani elifanele ekuhlaleni kwazo.

“Ngikholelwa ukuthi izithombe nezincazelo eziphelele zingaveza kokubili lokho ozokujabulela nenani lako,” kusho uKory. “Ngithanda ukubonisa amakhishi ami anakho konke, izindawo ezingaphandle zemicimbi, namadizayini alungele izivakashi zami ekhaya ngalinye.”

Ukuze ulandelele ukuthi uqhuba kanjani kuzo zonke izigaba eziyisithupha, ithebhu yakho ethi Imibono inikeza imininingwane evela esivakashini sakho ngasinye.

Uma unikeza ukuhlala kwezinkanyezi ezinhlanu, uphendula ngokushesha emiyalezweni yezivakashi, futhi ugcina ikhalenda lakho namasethingi okubhukha kungokwakamuva ukuze ugweme ukukhansela, usethubeni elihle lokuba uMbungazi ovelele. Ngokwesilinganiso, sibonile ukuthi ibheji loMbungazi ovelele unganikeza aBabungazi abavelele u-4% owengeziwe eholweni.*

*Ngokuvumelana nokuhlolwa kwaBabungazi Abavelele ngo-2021 nango-2022

Uma usebenzisa isofthiwe exhunywe ku-API, uzokwazi ukuthola lezi zici kusofthiwe yakho uma umhlinzeki wakho ezifakile. Uma kungenjalo, xhumana nomhlinzeki wakho ukuze uthole ukuthi zizotholakala nini.

Imininingwane ekulesi sihloko kungenzeka isishintshile selokhu sashicilelwa.