Ukuthuthukisa kwaBabungazi abaphrofeshinali

Inothi lomhleli: Lesi sihloko sishicilelwe njengengxenye yalokho Okukhululwa Ngo-May 2023 Kwe-Airbnb. Imininingwane kungenzeka isishintshile selokhu yashicilelwa. Funda kabanzi mayelana nomkhiqizo wakamuva okhululiwe.

Okukhululwa Ngo-May 2023 Kwe-Airbnb kwethula ukuphucula okungu-25 kwaBabungazi, kanye nokuphucula okungu-8 okwengeziwe kwaBabungazi abasebenzisa isofthiwe exhunywe ku-API. Lokhu kuklanyelwe ukukusiza ulandelele ikhwalithi yezindlu zakho kalula futhi usekele imisebenzi yakho yokubungaza yansuku zonke.

Uzokwazi ukuthola konke ukuphucula okungu-8 ngokuqondile ku-softhiwe yakho uma umhlinzeki wakho wesofthiwe ekufakile. Uma kungenjalo, xhumana nomhlinzeki wakho wesofthiwe ukuze uthole ukuthi kuzotholakala nini.

Faka iziqondiso zokuphuma eziningiliziwe kusofthiwe yakho, ngendlela efanayo naleyo ofaka ngayo imithetho yendlu evamile. Sungula ngokushesha uhlu lwezinto ezenziwayo ekuphumeni ngokukhetha kule misebenzi evamile: 

• Qoqela ndawonye amathawula asetshenzisiwe
• Lahla udoti
• Cisha izinto
• Khiya
• Buyisa izikhiye

Ungafaka imininingwane emsebenzini ngamunye. Ngokwesibonelo, ungase ucacise ukuthi izivakashi azifake udoti komunye umgqomo bese komunye zifaka izinto ezingasetshenziselwa ukukhiqiza kabusha. Ungabhala futhi izicelo ezengeziwe, njengokwemboza indawo yokosela ngemva kokuyisebenzisa. 

Sizothumelela izivakashi isikhumbuzo ngokuzenzakalelayo esinesikhathi sakho sokuphuma neziqondiso ngosuku olungaphambi kokuphuma. Njengemithetho yendlu yakho, izivakashi zingafunda iziqondiso zakho zokuphuma ngaphambi kokuba zibhukhe indawo yakho. Uma seziphumile, izivakashi zingakutshela ukuthi sezihambile ngokuthepha noma ngokuchofoza kanye.

Kulokho Okukhululwa Ngo-November 2022 Kwe-Airbnb, sifake indlela yokuba izivakashi naBabungazi bashiyelane umbiko oningiliziwe. Nobabili ningafaka isilinganiso senkanyezi—futhi ucacise ukuthi yini ehambe kahle noma ebingase ihambe kangcono—ezigabeni eziningana. Ngokwesibonelo, izivakashi zingase zikhethe amathegi okuphawula athi “uphendula njalo” noma “iziqondiso eziwusizo” uma zikunika isilinganiso sokukhulumisana sezinkanyezi ezinhlanu. 

Manje usungakwazi ukuthola lezi zici kusofthiwe yakho exhunyiwe. Uzokwazi ukushiya ukuphawula okuningiliziwe kwezivakashi futhi uthole umbiko ngalokho izivakashi ezikuthandile nalokho okungathuthukiswa.

Uma enye yezindlu zakho ingalandeli imithetho ebekiwe yaBabungazi, uzothola uhlu lohambo lwakamuva olube nezinkinga kusofthiwe yakho. Ngokwesibonelo, uma isivakashi sinikeza ukungena isilinganiso sezinkanyezi ezimbili ngenxa yokuthi asikwazanga ukungena ngaphakathi, lokho kuzobhalwa lapha nokulungisa okusikiselwayo kokuthuthukisa inqubo yakho yokubungaza.

Izinkinga zendlu ezivela lapha ziwumphumela wezilinganiso eziphansi, umbiko wezivakashi ngesevisi yamakhasimende, noma ukukhansela koMbungazi. Ishadi liphinde likutshele uma indlu yakho isengozini yokumiswa okwesikhashana noma ukukhishwa.

Sizokuthumelela i-imeyili nesaziso ngomhlinzeki wakho wesofthiwe uma enye yezindlu zakho ingalandeli imithetho ebekiwe yaBabungazi futhi ithole isixwayiso noma isengozini yokumiswa okwesikhashana noma ukukhishwa. Isaziso sizokuthumela eshadini lezinkinga zendlu, elibonisayo ukuthi yiziphi izinkinga ezibikiwe, nokusikisela kokuthi ungazilungisa kanjani. 

Uzothola nemininingwane yokuthi indlu ingavulwa nini ngemva kokuvalwa okwesikhashana, nokuthi ungasifaka kanjani isikhalazo sokukhishwa kwendlu. Ungafaka isikhalazo ngokuqondile ku-Airbnb.

Izigaba Ze-Airbnb zisiza izivakashi zithole izigidi zezindawo eziyingqayizivele zokuhlala emhlabeni jikelele. Izigaba ezihlukahlukene ezingaphezu kuka-60 zihlukanisa izindawo ngokwesitayela, indawo, noma ukusondelana nokuthile okwenziwayo.

Manje usungathola ukuthi indlu yakho ngayinye ikusiphi Isigaba Se-Airbnb kusofthiwe yakho. Lesi bekuyisicelo esiphambili esivela kuBabungazi futhi sizokusiza uqonde indlela izindlu zakho ezikhangiswa ngayo ku-Airbnb.

Uzothola isaziso kusofthiwe yakho exhunyiwe lapho kudingeka ugcwalise ifomu elidingekayo lokulandelwa komthetho noma unikeze eminye imininingwane yebhizinisi. Uzokwazi futhi ukuthola imiyalezo kusofthiwe yakho uma kudingeka imininingwane eyengeziwe. 

Kudingeka siqoqe futhi siqinisekise imininingwane yebhizinisi yaBabungazi ku-Airbnb ukuze sihambisane nemithetho yendawo. Lesi sibuyekezo sikuvumela ukuba wazi futhi uqedele izimfuneko zokulandelwa komthetho ezivela kusofthiwe yakho.

Usitshele ukuthi ufuna ukukwazi ukucacisa ngokuqondile ukuthi zingaki izilwane ezifuywayo okhululekile ukuzibungaza. Manje usungafaka kalula inani eliwumkhawulo lezilwane ezifuywayo ofuna ukuzamukela, ezingaba zinhlanu.

Sizwile futhi ukuthi ufuna ukukwazi ukunikeza iphromoshini yendlu entsha ezivakashini ngesofthiwe yakho. Faka ngokuzenzakalelayo iphromoshini yesaphulelo esingu-20% ekubhukheni kwakho okuthathu kokuqala lapho usungula indlu entsha.