Ukunikeza ukutusa kuthebhu ethi Imiyalezo

Izivakashi zivame ukucela iseluleko kubabungazi ngezinto ezinhle ezingazibona, zizenze, futhi zizidle endaweni. Manje usungatusa oKokuzithokozisa Namasevisi we-Airbnb usebenzisa amathuluzi emiyalezo aphuculiwe.

Okokuzithokozisa kwe-Airbnb yizinto ezenziwayo ezisiza izivakashi zixhumane nezindawo ezikuzo, njengamakilasi okupheka, amakilasi emidwebo, nohambo lokubona okwenziwa ekusithekeni. Amasevisi e-Airbnb angamasevisi ekhwalithi ephezulu angasiza ekwenzeni ukuhlala kwesivakashi kube ngcono nakakhulu, okuhlanganisa ukumasaja, ukudla okulungiselelwe, namaseshini okuqeqeshwa komuntu.

Okokuzithokozisa namasevisi kuhlolelwa ikhwalithi futhi kubuyekezwe ngokuqhubekayo ukuze kuqinisekiswe ukuthi kuyahlangabezana namazinga we-Airbnb. Ababungazi abaningi badumile emikhakheni yabo.

Hlola okokuzithokozisa kanye namasevisi endaweni okuyo.

Kunezindlela ezingu-2 zokusikisela okokuzithokozisa namasevisi kuthebhu ethi Imiyalezo. Ungakhetha ezinhlotsheni zokufakwe ku-Airbnb okunesilinganiso esiphezulu noma wabelane ngamalinki ezintandokazi zakho emyalezweni. Uma wenza ukusikisela nganoma iyiphi indlela, izivakashi zithola ikhadi eliyidijithali elibonisa isihloko sokufakwe ku-Airbnb, isilinganiso sezinkanyezi, nenani lokuphawula.

Ukuze ukhethe ezinhlotsheni zokufakwe ku-Airbnb okunesilinganiso esiphezulu:

• Iya engxoxweni yakho nesivakashi.
• Thepha uphawu lokuhlanganisa (+) kokuthi “Bhala umyalezo,” bese uthepha okuthi Yabelana ngokusikisela.
• Khetha okokuzithokozisa noma amasevisi ongathanda ukuwasikisela bese uwafaka ngokuthepha okuthi Athasha.
• Thepha umcibisholo (↑) ukuze wabelane ngokusikisela.

Ukuze wabelane ngamalinki okufakwe ku-Airbnb okuthandayo:

• Kopisha amalinki kokokuzithokozisa namasevisi owathandayo bese uwafaka emyalezweni.
• Uma usebenzisa le ndlela, khumbula ukuthi izivakashi zizobona amakhadi ayidijithali kanye namalinki ngokwawo. Uzofanelekela umklomelo kuphela uma izivakashi zithepha ekhadini eliyidijithali ukuze zibhukhe.

Ungasungula impendulo esheshayo noma ushintshe esikhona kakade. Ukuseyiva amalinki okusikisela kwakho kuthempulethi ebhalwe kusengaphambili kusiza ekongeni isikhathi. Ungathumela impendulo esheshayo ngenkathi uthumelelana imiyalezo nezivakashi noma uyishejule ukuba ithunyelwe ngokuzenzakalelayo ngesikhathi esimisiwe.

Ukuze usungule noma ushintshe impendulo esheshayo:

• Iya kuthebhu ethi Imiyalezo.
• Thepha i-ayikhoni yamasethingi phezulu kwesokudla sesikrini.
• Thepha okuthi Menenja izimpendulo ezisheshayo nokuthi Sungula.
• Nikeza ithempulethi yakho igama bese ubhala umyalezo wakho.
• Thepha okuthi Faka imininingwane ukuze usebenzise izikhala ezigcwaliswa ngokuzenzakalelayo ngegama lesivakashi noma eminye imininingwane.
• Faka amalinki kokufakwe ku-Airbnb okusikiselayo.
• Thepha okuthi Seyiva.

Imininingwane ekulesi sihloko kungenzeka isishintshile selokhu sashicilelwa.