Ukuvumela izivakashi zazi ukuthi indawo yakho iquketheni
Amasevisi ayinto eyinhloko ezivakashini ze-Airbnb. Uma zisesha indawo yokuhlala, zingahlunga imiphumela yazo ukuze ibonise kuphela izindlu ezinamasevisi eziwafunayo.
Ngisho nezinto ezincane, njenge-TV noma ikhithi yezimo eziphuthumayo, zingenza uhambo lube lula futhi lujabuleleke ezivakashini. Ngakho kuwumbono omuhle ukufaka konke onakho.
Izivakashi zivame ukusesha izindlu ezinalokhu:
- I-wifi
- Ikhishi
- Umshini wokuwasha noma wokomisa
- Ukupaka mahhala
- I-air conditioning
- Indawo yokusebenzela
- Indawo yokubhukuda noma ubhavu wamanzi ashisayo
Ukuze ufake amasevisi, khetha izinto ezinhlwini ezinikeziwe zezinto eziphawulekayo nezithandwa yizivakashi. Ungafaka amasevisi ongawatholi lapha ngemva kokushicilela indlu yakho.
Ngemva kwalokho, bheka izinto zokuphepha onazo emagcekeni, njenge-alamu yentuthu.
Amacebiso ambalwa asheshayo:
1. Ungayigodli imininingwane yendawo yakho. Uma unesevisi ethile, yifake. Vumela izivakashi zinqume, ngokwesibonelo, ukuthi indawo yokudlela engaphandle enetafula lepikiniki ithokomele njengaleyo enezihlalo ezintofontofo.
2. Tshela izivakashi lokho ezingakulindela. Qiniseka ukuthi unikeza imininingwane ebanzi—ngokwesibonelo, ukuthi indawo yakho yokosela isebenzisa igesi noma amalahle—encazelweni yakho yendlu.
3. Cabanga njengesivakashi. Zibuze ukuthi yini oyifunayo noyidingayo njengesivakashi uma usohambweni. Cabangela ukufaka lezo zinto, nezinye izinto ezidingekayo, ngokuhamba kwesikhathi.
“Qiniseka ukuthi unikeza izinto ezidingekayo,” kusho u-Harry, uMbungazi e-Athens, e-Greece, ngoba ukwenza kanjalo kungakusiza uhehe ukubhukha. “Ngithole ukuthi ukusebenzisa imadlana ngithenge i-ayina yesitimu ne-hair blower kube usizo.”