Indlela yokuba uMbungazi ku-Airbnb
Okuvelele
Lungisa indawo yakho bese ufaka indlu ehehayo
Lawula isikhathi nendlela obungaza ngayo
Uma ucabangela ukubungaza kodwa awuqiniseki ngendlela yokuheha izivakashi noma ukusungula okokuzithokozisa kwezivakashi okuhle, awuwedwa. Ukuba uMbungazi ku-Airbnb kuyindlela ejabulisayo, eyanelisayo yokuxhumana nabantu abasha nokuthola imali eyengeziwe, futhi kuyinto evamile ukuba nemibuzo eminingi ekuqaleni.
Nakhu okudingeka ukwenze ukuze uqale ukubungaza.
1. Hlola ukuthi indawo yakho iyafaneleka yini
Ayikho indawo encane kakhulu noma ehluke kakhulu ukuba ifakwe ku-Airbnb! Kunesivakashi sazo zonke izindawo—kudingeka nje usho ngokucacile lokho okungalindelwa ngokuchaza ngokwethembeka nangokunembile izici zendawo yakho, kusukela eminyango emincane kuya ezitebhisini ezigqungqile.
Kubalulekile nokuthola ukuthi yimiphi imithetho nezintela ezisebenza ekuqashiseni kwesikhashana endaweni yakini ngaphambi kokuba uqale ukubungaza. I-Airbnb ayikwazi ukukunikeza isiqondiso sezomthetho noma iseluleko ngentela, kodwa singakusiza uthole imininingwane eqondene neziqondiso zokubungaza.2. Lungiselela izivakashi indawo yakho
“Ngikholelwa ukuthi izivakashi zakho zibonisa lokho oyikho,” kusho uMbungazi ovelele u-Jake wase-Big Bear, e-California. “Ufaka uhlobo lomuntu oyilo ekhaya lakho futhi lokho kuheha abantu abanendlela yokuphila efanayo nabathanda izinto ezifanayo.”
Unalo yini iqoqo lamaphosta amamuvi akudala? Noma iqoqo lobuciko bezincwadi zomlando? Hlobisa ngazo! Ukufaka izinto ozithandayo kungasiza ekwenzeni indlu yakho iphume phambili.
Njengoba uhlela indlu yakho, khumbula ukukhipha imfucumfucu bese uzama ukunikeza izinto ezidingekayo ezisemqoka, njengephepha lasethoyilethi, insipho, namathawula, ukuze usungule okokuzithokozisa okuhle kwezivakashi zakho. Imininingwane emincane, njengebhodlela lewayini lasendaweni noma ibhokisi likashokoledi, nakho kungenza izivakashi zizizwe zikhethekile.3. Faka indawo yakho
Kumahhala ngokuphelele ukufaka indawo yakho. I-Airbnb ikhokhisa inani lesevisi kuphela lapho ukubhukha sekuqinisekisiwe. Leli nani livame ukuba ngu-3% wengqikithi yakho yokubhukha, futhi lisisiza sikhokhele izindleko zokuqhuba i-Airbnb, njengosizo lwamakhasimende olungu-24/7, ukuvikelwa kwaBabungazi, nokunye.
Silwela ukwenza kube lula ukufaka indawo yakho—ungaze ngisho usethe indlu yakho ngezinyathelo ezilula ezingu-10. Sikulungele njalo ukukusiza uma unemibuzo, futhi kunezindlela eziningi zokuxhumana nabanye aBabungazi.
“Kwezinye izimakethe, uzokwazi ukuxhumana neNxusa elinguMbungazi ovelele njengami,” kusho uMbungazi ovelele u-Magaly wase-East Wenatchee, e-Washington. “Sikulungele ukukusiza ekwenzeni le nqubo ibe lula ngangokunokwenzeka.”
Njengoba ufaka imininingwane yendlu yakho, gxila kakhudlwana ezithombeni zakho, ngoba zivame ukuba yinto yokuqala izivakashi eziyibonayo ngaphambi kokubhukha. Abanye aBabungazi baqasha abathwebuli bezithombe abangamaphrofeshinali, kanti abanye basebenzisa amasmathifoni abo ukuze bathathe izithombe ezinhle ezibonisa kahle imininingwane nesimo sendlu yabo.4. Nquma indlela ozobungaza ngayo
Uyakwazi ukulawula ngokuphelele ngaso sonke isikhathi ukuthi ubungaza nini nokuthi kanjani ku-Airbnb. Ngokusebenzisa amasethingi ekhalenda nawokubhukha, ungavimbela ngokwakho izinsuku indawo yakho engatholakali ngazo, ukhethe izikhathi eziqondile zokungena nokuphuma, usethe inani eliyiminimamu noma eliwumkhawulo lobusuku izivakashi ezingahlala ngazo, nokunye.
“Sinqume zisuka nje ukuthi sizoba neminimamu yezinsuku ezintathu zokubhukha,” kusho uMbungazi u-Lucy wase-East Sussex, e-England. “Lokhu kusho ukuthi senze imali encane, kodwa kunginikeza isikhathi sokunakekela yonke eminye imininingwane yokubungaza engiyijabulela ngempela.”
Ungasebenzisa nemithetho yendlu yakho ukuze ubonise izivakashi lokho ezingakulindela futhi usho ukuthi yini evunyelwe—nengavunyelwe—endaweni yakho.5. Setha inani lakho bese uyakhokhelwa
Lokho okukhokhisayo ku-Airbnb kuyisinqumo sakho ngokuphelele. Lapho usetha indlela yokubeka inani, cabangela lokho abanye endaweni yakini abakukhokhisayo, amasevisi owanikezayo, nesikhathi sonyaka. Lokhu kungakusiza uthole inani olibona lifaneleka kuwe nasezivakashini zakho.
I-Airbnb ikwenza kube lula ukusetha indlela yokukhokhelwa engxenyeni ethi Inkokhelo nokukhokhelwa ye-akhawunti yakho. Izindlela zokukhokhelwa zihlanganisa ukuthumela imali ngebhange noma idiphozithi eqondile, amakhadi edebhithi e-Payoneer, i-PayPal, ne-Western Union, phakathi kwezinye, kuye ngokuthi ukuyiphi indawo.Indawo yokuthola usizo nezinsiza
Kubalulekile ukukhumbula ukuthi awuwedwa emsebenzini wakho wokubungaza. I-Airbnb isiza aBabungazi ngezindlela eziningi, okuhlanganisa:
Kungakhathaliseki ukuthi ungubani noma hlobo luni lwendawo onayo, kunendawo yakho emphakathini we-Airbnb. “Okuhle kakhulu nge-Airbnb ukuthi sonke sinokuthile okuhlukile esingakuletha etafuleni,” kusho u-Magaly. “Sikufisela okuhle futhi ukujabulele ukubungaza!”
ABabungazi abakulesi sihloko nevidiyo abazona izisebenzi ze-Airbnb futhi abasebenzi ngaphansi kwesiqondiso se-Airbnb. NjengaBasunguli abangaBabungazi, babambisene ne-Airbnb ekuhlanganyeleni imibono yabo nasekusunguleni le vidiyo. Noma imiphi imibono, inzwabethi, noma imibiko eyenziwayo iyiqiniso, ingeyabo, futhi ayiwona amazwi asemthethweni e-Airbnb.
Okuvelele
Lungisa indawo yakho bese ufaka indlu ehehayo
Lawula isikhathi nendlela obungaza ngayo