Indlela yokuthuthukisa indlu yakho njengoba uqhubeka

Njengekhaya lakho, indlu yakho ingazuza ekuthuthukiseni okufike ngesikhathi. Ukulungisa izithombe zakho, amasevisi, nenani kungakusiza ukhange izivakashi ezengeziwe futhi ufinyelele imigomo yeholo olitholayo.

Ezinye izivakashi zichitha isikhathi esiningi zibuka izithombe kunokufunda izincazelo zendlu. Zilindele nokuthi indawo yakho ibe njengoba ivela ezithombeni ze-Airbnb.

Uma usanda kushintsha noma yini endaweni yakho, cabangela ukubuyekeza izithombe zakho. Ezinye izinyathelo ongazithatha zihlanganisa:

• Sungula izithombe zamagumbi ze-AI. Siza izivakashi ziqonde indlela indlu yakho ehlelwe ngayo ngezithombe zamagumbi. Uhlelo lwe-Airbnb lwe-AI luhlela ngokushesha izithombe zendlu yakho zibe izinhlobo ezingu-19 zamagumbi nezindawo. Ungabuyekeza izithombe zakho futhi ufake imininingwane egunjini ngalinye.

• Faka izincazelo zezithombe. Bhala izincazelo ezigqamisa lokho igumbi noma indawo ngayinye ekunikezayo, njengomshini we-espresso ekhishini noma amathawula athofozelayo endlini yokugezela.

• Thatha izithombe ezihlanganiswe kahle. Lungisa amasethingi ocingo noma ekhamera yakho ukuze uvule imigqa yegridi futhi uhlole irezolushini yesithombe. Cabangela ukucisha ifleshi futhi usebenzise ukukhanya kwemvelo. Lwela ukuxuba izithombe ezibanzi, ezibuqamama, neziseduze. Thola amacebiso engeziwe ezithombe zokuzenzela

• Qasha uchwepheshe. Uma ungenamakhono okuthwebula izithombe, cabangela ukusebenza nephrofeshinali. I-Airbnb ingakunika abathwebuli abaphrofeshinali abasendaweni yangakini.

Indlu oyifakile iyindlela izivakashi ezifunda ngayo ngekhaya lakho. Ukunikeza imininingwane eyengeziwe kungakusiza uhehe ukubhukha.

• Gqamisa amasevisi ahamba phambili. Izivakashi zivame ukusesha izindawo ezinekhishi, i-wifi, nendawo yokupaka mahhala. Zingaphinde zihlunge izindlu ezilungele izilwane ezifuywayo namalungiselelo okulala afana nombhede oyi-king size.
• Hlala unolwazi. Izivakashi zilindele ukuba zikwazi ukusebenzisa zonke izici kanye namasevisi asendlini yakho. Ngokwesibonelo, uma indawo yokubhukuda ingatholakali ezivakashini unyaka wonke, qiniseka ukuthi uyakucacisa lokho.
• Gcina izinto zilula. Gxila ekuvezeni lokho okungalindelwa nasekuphenduleni imibuzo eyisisekelo. Tshela izivakashi lokho okudingeka zikwazi ukuze zijabulele ukuhlala endaweni yakho.
• Sebenzisa umbiko wezivakashi. Ingabe isivakashi sikhulume kahle ngovulande wakho ekuphawuleni? Zama ukuwufaka ezithombeni zakho. Ingabe isivakashi sikutshele ukuthi siye samangala ukuthi indawo yakho iqhelelene kangaka nesikhumulo sezindiza? Cacisa indawo okuyo.

Ukuqonda lokho izivakashi zakho ezikukhokhayo kungakusiza unikeze inani elingcono kakhulu. Ingqikithi yenani lazo ihlanganisa inani lakho lobusuku, noma yiziphi izindleko ezengeziwe ozibekile (zokuhlanza, izivakashi ezinezelwayo, noma izilwane ezifuywayo), izindleko zesevisi ye-Airbnb, nezintela.

Ukubeka inani eliphansi kungasiza indlu yakho ivelele futhi ibe nesilinganiso esiphezulu emiphumeleni yokusesha. Okusemqoka ezibalweni yingqikithi yenani nekhwalithi yendlu uma iqhathaniswa nezindlu ezifanayo eziseduze.

Ezinye izindleko ozifaka enanini lakho zingase zingabi sobala ezivakashini. Ingabe kunokwengeziwe okunikezayo njengemikhiqizo yokugeza ebizayo noma amasevisi okustrima? Kwenze kucace lokho encazelweni yendlu yakho ukuze usize izivakashi zilibone lifaneleka inani lakho.