Indlela yokwenza indawo yakho ithokomale kubantu abasebenzela ekhaya

Njengoba ukusebenzela ekhaya kuya ngokuya kuvama ezindaweni eziningi, siphawule ushintsho olukhulu maqondana nokuthi abantu bavakasha kanjani nokuthi kungani bevakasha. Lokhu kungaholela ezivakashini ezengeziwe ezifuna izindawo ezizozivumela zisebenze noma zikuphi.

Nansi indlela yokunikeza amasevisi afanele, setha indawo yokusebenzela, futhi uphromothe indawo yakho.

Uxhumano lwe-inthanethi luyisidingo kubantu abasebenzela ekhaya abafuna i-wifi esheshayo, enokwethenjelwa ukuze bakwazi ukushaya izingcingo zevidiyo benze neminye imisebenzi.

Ungaqinisekisa ijubane le-wifi yendlu yakho ngaphandle kokuphuma ku-app ye-Airbnb ngokusebenzisa ithesti yejubane le-wifi. Leli thuluzi likuvumela ukuba utheste ijubane le-wifi yendlu yakho, bese ulibonisa ngokuqondile ekhasini lendlu yakho—okukusiza ukuba uhehe izivakashi ezengeziwe ezidinga uxhumano olusheshayo.

Uma izindawo ezithile zendawo yakho zinesignali engeyinhle, ama-wifi boosters nama-extenders angayithuthukisa iphefomensi. Kungasiza nokufunda indlela yokuhlola irawutha yakho ukude ukuze umonithe i-wifi yakho.

Hlola ijubane le-wifi

Izivakashi zisesha izindawo zokusebenzela njengesevisi esemqoka—futhi ukuyisungula kulula kunalokho ongase ukucabange. Ukuze ufake le sevisi endlini yakho, kuzodingeka unikeze itafula noma ideski elisetshenziselwa ukusebenza, indawo yokuxhuma kugesi, nesihlalo esikahle.

Ngenxa yokuthi abantu abashadile abasebenzela ekhaya bangase badinge izindawo ezihlukene, cabangela ukusetha izindawo zokusebenzela ezimbili. Ungatshela izivakashi ngalezi zici ngokukhetha Indawo yokusebenzela engxenyeni ethi Amasevisi yendlu yakho, nangokugqamisa noma iziphi izindawo zokusebenzela encazelweni nasezithombeni zendlu yakho.

Ababungazi abangenalo igumbi elinendawo yokusebenzela basengabahlalisa abantu abasebenzela ekhaya. Uma isivakashi sidinga ukusebenzela ekhaya, “Ngisusa isihlalo esisodwa setafula lasekhishini ngibeke isihlalo esinekhushini namasondo nendawo yokuncikisa izingalo,” kusho u-Emilia, uMbungazi Ovelele e-Orono, e-Maine. “Ngicabanga ukuthi isihlalo sisodwa senza umehluko omkhulu.”

Ngaphezu kwendawo yokusebenzela, izivakashi zingakujabulela nokunye okumbalwa okwenza ukusebenzela ekhaya kujabuleleke futhi kuphumelele.

Nakhu ongakucabangela endaweni yakho:

• Izindawo zokusebenzela ezikhululekile. Igumbi lokuhlala, igumbi lokudlela, noma uvulande kungaba yindawo eqabulayo—futhi kungavumela abantu abaningana ukuba basebenze ngesikhathi esisodwa.
• Izinto zokusebenza ezifanele. Isitende selephuthophu, isihlalo sasehhovisi esifanele, nento yokubeka izinyawo ongayishintshashintsha ukuze uphatheke kahle uma usebenza isikhathi eside.
• Ukukhanya okwanele. Nakuba amafasitela noma iminyango yengilazi enikeza ukukhanya kwemvelo kulungile, isibani sedeski singayikhanyisa indawo yokusebenzela.
• Umshini wokwenza ikhofi neketela letiye. Izivakashi eziningi zithanda ukuphuza into enekhafeyini ukuze zikwazi ukusebenza. Unganikeza ngisho netiye nekhofi—futhi ukuze akwenze lokho, lowo oyibhloga yendlela yokuphila u-Elsie, uMbungazi Ovelele wase-Nashville, e-Tennessee, usikisela ukunikeza izindlela ezihlukahlukene zokwenza ikhofi, njenge-French press nomshini ozenzela wona ikhofi.
• Izinto zasehhovisi. Izinto ezivamile njengamapeni amasha namanothiphedi zivame ukuba usizo, kanti ukuba nephrinta kungenza indlu yakho ihluke kwezinye.
• Usizo lwezobuchwepheshe. Imonitha yekhompyutha, izipikha, namashaja ocingo kungenza indawo yakho yokusebenzela ibe sezingeni eliphezulu.
• Ingemuva lezingcingo zevidiyo. Iwoliphepha enhle, izitshalo, noma ubuciko kungemuva lendawo yokusebenzela kungaheha izivakashi ezivame ukuba sezingcingweni zevidiyo.
• Ukunciphisa umsindo. Izinto ezinjengamakhethini, omata, izingubo, nemicamelo kunganciphisa imisindo ephazamisayo.

Uma usuyenzile indawo yakho yalungela abantu abasebenzela ekhaya, kubalulekile ukubuyekeza incazelo yendlu yakho, amasevisi, nezithombe ukuze izivakashi zazi ukuthi unendawo evumela ukusebenza.

• Sebenzisa izihlungi zokusesha. Lapho zibhrawuza izindlu, izivakashi eziningi zisebenzisa izihlungi ukuze zithole izindawo ezinamasevisi eziwafunayo, ngakho qiniseka ukuthi uyayifaka Indawo yokusebenzela nanoma yini enye oyinikezayo.
• Lungisa izithombe nezincazelo zakho. Ngenxa yokuthi izivakashi eziningi zingase zihlole izithombe zendlu yakho ngaphambi kokufunda incazelo, qiniseka ukuthi izithombe zakho zihlanganisa izindawo zokusebenzela ozinikezayo. Funda indlela yokuthatha izithombe ezinhle
• Vumela izivakashi zizibone ngeso lengqondo zisendaweni yakho. Qiniseka ukuthi incazelo yendlu yakho ibonisa indlela indawo yakho ezifanelekela ngayo izivakashi ezisebenzela ekhaya. Uma ufuna ngempela ukuphuma phambili, ungafaka leyo mininingwane esihlokweni sendlu yakho.

Kungasiza nokuthumelela izivakashi umyalezo ngaphambi kokuba zifike. Ngokuzikhumbuza ukuthi unikeza izinto ezinjengekhofi noma imonitha yekhompyutha, ungazisiza zihlele ngokuvumelana nezimo.

Sithemba ukuthi lawa macebiso azokusiza usungule indawo ethokomele. Ngokugcina izidingo zezivakashi zakho engqondweni, uzokwazi ukunikeza indawo ethokomele—okusebenzekayo kuyo—yabantu abasebenzela ekhaya.