Indlela yokuhlela izithombe zendlu ukuze zibukise indawo

Khetha, bhrawuza, bhukha. Yilokho ofuna zonke izivakashi zikwenze uma indlu yakho ivela emiphumeleni yokusesha, angithi? Ungazithonya izinqumo zazo ukuze zihlale nawe—noma ziqhubeke ziskrola—ngezithombe ozinikezayo zendawo yakho.

Ngaphandle kokuzinika isikhathi sokuthwebula izithombe ezinhle zendlu kanye nokukhetha ezingcono kunazo zonke ongabelana ngazo, yini ongayenza ukuze uhehe izivakashi? Zama ukushintsha igalari yezithombe zakho zibe indlela ehlelekile yokubuka indlu.

Igalari yezithombe zakho iqukethe zonke izithombe ozifakile endlini endlini yakho. Kuzikrini ezincane, njengamasmathifoni, izivakashi zingabuka igalari yezithombe zakho ngokuthepha isithombe sekhava, esizimele sodwa phezulu ekhasini lendlu oyifakile.

Kuzikrini ezinkulu, njengamathebhulethi namalephuthophu, kuba negridi yezithombe ezingu-5 esikhundleni sesithombe sekhava esisodwa, okunikeza izivakashi umuzwa ongcono walokho okwenza indawo yakho ithandeke. Zingakhetha noma isiphi isithombe ukuze zibhrawuze yonke igalari yakho, eboniswa kugridi enkudlwana, eqondile.

Ungahlela le gridi enkudlwana ngokwegumbi noma ngokwendawo yendlu yakho. Yibheke njengendlela yokubukisa izivakashi zakho indlu—ithuba lokuhlaziya wonke amakhona endawo yakho ngaphambi kokubhukha.

Qala ngokuqinisekisa ukuthi unikeza izithombe ezicacile, ezikhanya ngokwanele zawo wonke amagumbi nezindawo zendlu yakho ezitholakalela izivakashi. Umbungazi Ovelele u-Sarah wase-Sayulita, e-Mexico, usikisela ukufaka “okungenani izithombe ezingu-2 zekamelo ngalinye, ezishuthwe ezindaweni ezihlukahlukene, ukuze izivakashi zikwazi ukubona ukuthi ikhona yini iklozethi, ideski, nanoma yini elapho.”

Ngemva kwalokho, uma ungakakwenzi kakade, faka izithombe ezimbalwa zamasevisi akhethekile noma eminye imininingwane. Lezi zingahlanganisa ikhishi elinakho konke okudingekayo, ihhovisi elinomnyango, noma indawo yokudlala yezingane enakho konke.

Izithombe zezidingo zabakhubazekile, njengendawo yokungena engenazitebhisi noma iminyango ebanzi, nazo zinganikeza imininingwane ebalulekile. Izivakashi ngokuvamile zifuna ukubona lokho okwenza indawo yakho ihluke—futhi ibe indawo ekahle yokuhlala.

Uma usuwanelisekile ngegalari yakho yezithombe, ungayihlela ibe izithombe zokubuka indlu. Lungisa indlu oyifakile ngalezi zinyathelo ezilula ezimbili:

1. Ngaphansi kwemininingwane yendlu, khetha Indlu namagumbi, yibe ususkrola uye phansi ukuze uhlele Amagumbi nezindawo.
2. Uhlu lwezindawo noma amagumbi angasetshenziswa izivakashi zakho luyavela. (Ukuze ufake noma ukhiphe amagumbi, iya kokuthi Hlela amagumbi nezindawo zakho.) Khetha igumbi ohlwini, khetha inkinobho ethi Faka izithombe, bese ukhetha izithombe zaleli gumbi ezikugalari yezithombe zakho. Phinda inqubo efanayo egumbini ngalinye.

Ukuhlela zonke izithombe kugalari yezithombe zakho ngokwegumbi noma indawo kusiza ekusunguleni indlela yokubuka indlu okulula ngezivakashi ukuba ziyilandele. Kulungile uma kukhona ezimbalwa ezithe ukuhluka, ezingena ngokuzenzakalelayo engxenyeni ethi Izithombe Ezengeziwe ekupheleni kwezithombe ezibukwayo zendlu—qiniseka nje ukuthi lezi zithombe azihlangani nezinye ukuze kugwenywe ukudideka.

Ngemva kokulungisa indlu yakho, igalari yakho ihlelwa ngokwegumbi noma ngokwendawo. Izivakashi zikwazi ukuthola umbono wendlu iyonke okuzivumela ukuba zihlole indawo ngayinye, noma zingaskrola zibone zonke izithombe zendlu. Izithombe zendlu zivame ukuqala egumbini lokuhlala, bese ziya ekhishini, emakamelweni, emagumbini okugezela, ezindaweni ezingaphandle, kanye nakwezinye izindawo ezengeziwe onazo endlini yakho.

Kubalulekile ukuqaphela ukuthi ukuhlela igalari yezithombe zakho ngokwegumbi noma indawo ngeke kuthinte isithombe sendlu noma igridi yezithombe ezingu-5 phezulu endlini oyifakile. Ukwenza kanjalo kungenye yezindlela engasiza ekunikezeni izivakashi ezinelukuluku imininingwane nokuqiniseka ezikudingayo kokubhukha ukuhlala endaweni yakho.