Indlela yokulungiselela indawo yakho—nezivakashi zakho—emililweni yequbula

Izinkathi zemililo yequbula ezingakaze zibonwe zithinta ukuphila kwaBabungazi nezivakashi emhlabeni jikelele. Kubaluleke kakhulu kunanini ngaphambili ukuba nezinhlelo uma kwenzeka kuba nomlilo wequbula ukuze uzivikele wena, izivakashi zakho, nendlu yakho.

Ku-Airbnb, ukuphepha kwakho nokuphepha kwezivakashi zakho kusemqoka. Njengengxenye ye-Trust & Safety Advisory Coalition esanda kusungulwa, sibambisana ne-International Association of Fire Chiefs (IAFC) ukuze sabelane ngezinsiza zokuphepha emililweni yequbula, ukuze ugcine indawo yakho iphephile futhi unikeze izivakashi imininingwane ebalulekile engaba usizo uma kuphakama isimo esiphuthumayo.

Ungahlela kusengaphambili lokho ozokwenza uma kuba nomlilo wequbula endaweni yakini. Uhlelo lwe-IAFC oluthi Ready, Set, Go! luyinsiza ekahle kakhulu yamacebiso ezokuphepha zemililo yequbula. Nakuba lolu hlelo lungolwase-U.S., amacebiso alo angasebenza kunoma ubani emhlabeni wonke.

Nakhu ukusikisela okumbalwa kwe-IAFC:

• Susa izitshalo ezikhule ngokweqile eziqhele ngamamitha angu-9 endlini yakho, egaraji, nakwezinye izakhiwo endaweni yakho ukuze wenze isikhala esivikelekile.
• Sebenzisa amasafeyisi aqinile—njengokhonkolo, amadwala, noma izitini—kumamitha angu-1,5 azungeze isisekelo sendlu yakho.
• Sebenzisa izitshalo ezimelene nomlilo, ezimfushane, ezingamakhambi uma utshala ezindaweni eziseduze nendlu yakho.
• Khipha amagatsha alengela phansi ukuze wenze isikhala okungenani esingamamitha angu-2 phakathi kotshani, izitshalo, nezihlahla ezinde.

Ukuze uhlale unolwazi ngesikhathi ubungaza, ungabhalisela izixwayiso zezimo eziphuthumayo endaweni lapho indlu yakho ekuyo. Eziningi ziyatholakala kuwebhusayithi yedolobha, noma yesifundazwe sakini. Ngale ndlela, ungathola imininingwane yalokho okwenzekayo ngisho noma ungekho eduze ngesikhathi unezivakashi.

Ezinye izivakashi kungenzeka zithatha uhambo zivela ezindaweni ezingakathintwa yimililo yequbula, futhi ezingase zingabuqondi ubungozi. Kunoma yikuphi, ungasiza izivakashi zihlale zikulungele.

Zama lawa macebiso avela kokuthi Ready, Set, Go!:

• Emithethweni yendlu yakho, faka imininingwane esemqoka emayelana nemililo yequbula endaweni yakini, ukuze izivakashi zazi ngaphambi kokubhukha ukuthi kungase kube nemililo yequbula.
• Bonisa izinombolo zabezimo eziphuthumayo endaweni endaweni esobala, njengefriji noma itafula lekhofi.
• Nikeza igama elivamile lendawo (ngokwesibonelo, umphakathi wase-Mulwood wase-Calabasas e-California). Ungakufaka lokhu emithethweni yendlu yakho bese ukufaka nasohlwini lwemininingwane yezimo eziphuthumayo.
• Nikeza izivakashi zakho ibalazwe lendawo elibonisa ngokucacile ikheli lendlu yakho, amagama omgwaqo eseduzane, imizila yokubaleka ehlukahlukene, nezindawo eziphephile okungabalekela kuzo izivakashi.
• Khuthaza izivakashi ukuba zibhalisele izixwayiso zezimo eziphuthumayo zasendaweni futhi zihlale zinolwazi ngalokho okwenzekayo ngemililo, ngisho noma umlilo wequbula ungekho eduze nendawo yakho.
• Tshela izivakashi zakho ukuthi akudingeki zilinde umyalo wokubaleka ezindlini, ikakhulu njengoba zingase zidinge isikhathi esengeziwe sokunavigeyitha uma zingayazi indawo.

Ukuze uthole izinsiza ezengeziwe ngokulungiselela imililo yequbula, ungathintana nomnyango wemililo wasendaweni yakini. Uma use-U.S., ungahlola ne-Ready, Set, Go! ukuze uqonde kabanzi ngemililo yequbula futhi usungule uhlelo lokubaleka.