Yiba nesitokwe salezi zinto zokuhlanza

Ingabe usukulungele ukuthuthukisa indlela ohlanza ngayo iye ezingeni elilandelayo? Njengengxenye yenqubo yokuhlanza ethuthukisiwe yezinyathelo ezingu-5, esekelwe encwajaneni yokuhlanza, senze uhlu lwabahlinzeki esibatusayo, kusukela ezintweni zokuzivikela kuya emikhiqizweni yokuhlanza engasetshenziswa yizivakashi. Nazi ezinye izinto ongaziqongelela ukuze uhlanze ngokuphumelelayo.

Ungasiza ekunciphiseni ukuchayeka emagciwaneni nakumakhemikhali ngokusebenzisa lokhu okulandelayo lapho uhlanza endlini:

• Amagilavu alahlwayo (kuyatuswa)
• Isifonyo noma indwangu yokumboza ubuso (kuyatuswa)
• Izibuko zokuvikela amehlo (akuphoqelelwe, zokuhlanza indlu yangasese)
• Iphinifa noma ingubo (akuphoqelelwe)
• Okokumboza izicathulo (akuphoqelelwe)
• Okokuvikela ubuso (akuphoqelelwe)

Lapho unezinto eziyisisekelo zokuhlanza, uzokwazi ukuyilandela kahle inqubo yokuhlanza. Nakhu okudingayo:

• Umshanelo nento yokubutha izibi
• Ibhakede (uma kunesidingo)
• I-duster
• Izikhwama zikadoti
• Izindwangu ze-microfiber
• I-mop
• Amathawula ephepha
• Ibhulashi lokuhlikihla
• Ama-scrub pads (asekhishini kuphela)
• Isitebhisi (uma kunesidingo)
• Ibhulashi lendlu yangasese
• I-vacuum cleaner
• Izikhwama ze-vacuum (uma kunesidingo)
• Umshini wokuwasha izitsha
• Umshini wokuwasha nokomiza izimpahla

Situsa kuphela ukusebenzisa isibulala-magciwane ne-sanitizer ebhaliswe ezinhlakeni zikahulumeni ezifanele (isb. I-U.S. Environmental Protection Agency noma i-European Chemicals Agency). Thenga lokhu:

• Into yokuhlanza izindawo ezihlukahlukene
• Into yokuhlanza izindawo ezihlukahlukene
• Into yokuhlanza ingilazi
• I-Bleach
• Insipho yokuwasha izingubo
• Okokususa amabala
• Insipho yokugeza izitsha
• Okokuwasha ikhaphethi (uma kunesidingo)
• Okokuhlanza phansi
• Ipholishi yefenisha/yokhuni
• Okokuhlanza uhhavini (ekhishini kuphela)
• Okokususa amafutha kuhhavini (ekhishini kuphela)
• Okokuhlanza isikhunta (uma kunesidingo)

Okudingeka ukwazi ngokubulala amagcinwane ngezibulala-magciwane
Kungenzeka uyazibuza ukuthi imikhiqizo oyisebenzisayo inamandla anele yini okunciphisa inani lamagciwane, njengamabhaktheriya nama-virus. Nayi incazelo emfushane:

• Qikelela ukuthi usebenzisa izibulala-magciwane ezigunyaziwe. Sicela uhlole ezinhlakeni zikahulumeni ezifanele, ezinjenge-U.S. Environmental Protection Agency (EPA) noma i-European Chemicals Agency, ukuze uthole uhlu lwezinto zokuhlanza nezibulala-magciwane ezigunyaziwe. Ngokwesibonelo e-U.S., imikhiqizo enconyelwa yi-EPA ihlanganisa ama-Clorox wipes, izifutho ze-Lysol, nezinye izibulala-magciwane ezivame ukusetshenziswa.
• Vumela umkhiqizo ukuba womiswe umoya. Uma ususa isibulala-magciwane ngaphambi kwesikhathi esituswayo sokuthinta kusemanzi, asikho isiqinisekiso sokuthi umkhiqizo uwabulele ngempela amagciwane achazwe kulebula.
• Ama-wipes ayisibulala magciwane alungile. Vumela izindawo ozisulile zihlale zimanzi isikhathi eside ngokwanele—ubude besikhathi buncike emkhiqizweni, ngakho hlola ilebula.
• Yeqa imikhiqizo engenabufakazi. Nakuba uviniga kanye nama-essential oils ephumelela ekuhlanzeni, awagunyaziwe yizinhlangano eziqondisayo ukuze abhekwe njengezibulala-magciwane.
• Ungalokothi uhlanganise izinto zokuhlanza. Ukuhlanganisa imikhiqizo ethile, njenge-bleach ne-ammonia, kungakhipha amakhemikhali ayingozi lapho ehogelwa.

Sizwile ezivakashini ukuthi zifuna ukukwazi ukuhlanza ngesikhathi zihlezi endaweni yakho. Zisize ngokuthi uthenge izinto zokuhlanza ezingazisebenzisa—uma ubungaza imindeni, qiniseka ukuthi ugcina noma yimiphi imikhiqizo yokuhlanza endaweni izingane ezingeke zifinyelele kuyo. Nakhu okudingwa kakhulu yizivakashi:

• Amathawula ephepha alahlwayo
• Into yokuhlanza izindawo ezihlukahlukene
• Izindwangu noma isifutho sokususa amagciwane
• I-sanitizer yezandla yokususa amagciwane
• Insipho yezandla eyengeziwe

• Ungayifaki indlu engenazo izinto zokuzivikela ezituswayo, futhi ungasebenzisi izinto ezingcolile
• Qiniseka ukuthi ufunda wonke amalebula okuphepha ukuze uqonde indlela efanele yokusebenzisa amakhemikhali
• Imikhiqizo yamakhemikhali yibeke njalo endaweni engenakufinyelelwa yizingane
• Ukuze uvimbele ukusabalala kwamagciwane, ungabuthinti ubuso bakho ngenkathi uhlanza indlu

Uma usuqedile ukuhlanza, khumbula ukubheka ukuthi iziphi izinto zokuhlanza eseziphela nesezizophelelwa yisikhathi—ngaleyo ndlela, ungathenga futhi ugcwalise ngaphambi kokuhlanza okulandelayo.

OKULANDELAYO: Tshela izivakashi ngenqubo yakho yokuhlanza ethuthukisiwe

Imininingwane ekulesi sihloko kungenzeka ukuthi ishintshile kusukela ngesikhathi eshicilelwe ngaso. Inqubo yokuhlanza ethuthukisiwe eyizinyathelo ezingu-5 inikeza izimfuneko ezilula zokuhlanza indlu yakho. Ukuze uthole imininingwane eyengeziwe yendlela yokusebenzisa lezo zinyathelo, sicela uyihlole yonke incwajana yokuhlanza ye-Airbnb. NjengoMbungazi, kungadingeka uthathe izinyathelo ezengeziwe ukuze uvikele wena, amaqembu akho, kanye nezivakashi zakho, futhi kufanele uhlole futhi uthobele njalo nanoma imiphi imithetho yendawo esebenzayo noma iziqondiso. I-Airbnb ayinakubekwa icala nganoma ikuphi ukulimala noma isifo esibangelwa ukulandela le nqubo yokuhlanza. Ukuze uthole iziqondiso nemithetho yokuhlanza eqondene nendawo oyibungazayo, sicela ubekise lesi sihloko se-Help Center.