Izindlela ezilula zokujabulisa izivakashi phakathi nokuhlala kwesikhathi eside
Izivakashi ezihlala nawe ubusuku obungu-28 noma ngaphezulu ngokuvamile zinezidingo ezihlukile kunezivakashi zangempelasonto. Ukuhlangabezana nalezo zidingo kwenza zikujabulele ukuvakasha—futhi kungenza uthole ukuphawula okwengeziwe kwezinkanyezi ezinhlanu.
Ukuze wanelise izivakashi zakho zanyanga zonke, zama lezi zenzo ezilula cishe ngemva kweviki zifikile.
Ukubuza izivakashi ukuthi yini eziyidingayo
Inyanga iyisikhathi eside ukuthi ungahamba ushiye okuthile okusebenzisa njalo ekhaya ongakwazanga ukukupakisha. NjengoMbungazi, ungabuza izivakashi zakho ukuthi akukho yini ezikudingayo.
Mhlawumbe zifuna omunye umqamelo noma ingubo yokulala, isambulela, noma okuthile kwasekhishini, njenge-toaster noma i-blender. Ukuzimisela kwakho ukunikeza lezi zinto ezincane kungenza umehluko omkhulu ezingeni lazo lokunethezeka, futhi leyo nto uzokwazi ukuyinikeza nezivakashi ezilandelayo.
U-Andrea, uMbungazi Ovelele e-Leavenworth, e-Washington, uthi uyakuthanda ukugcina ikhishi linezinto ezanele phakathi nokuhlala kwesikhathi eside. “Njalo nginikeza izivakashi zami itiye eliningi lezinkambi, ikhofi, izindlela eziningi zokwenza ikhofi, amafutha okupheka nezinongo.”
Ukuhlanza maphakathi nokuhlala
Izivakashi eziningi ziyawamukela umbono wokuhlanza kwamahhala phakathi nokuhlala kwazo. Kuyinto enhle kakhulu kubona, futhi kukunikeza ithuba lokwenza ukulungisa okuncane, njengokushintsha amabhethri, amalambu, namafiltha.
U-Annette, uMbungazi Ovelele e-San Francisco, uyathanda ukutshela izivakashi: “Njengoba uzohlala lapha cishe inyanga yonke, kungenzeka udinge usizo lwethu. Sicela ungazami ukuzilungisela noma yini, ngisho noma kukuncane kangakanani. Thintana nathi masinyane, sizolungisa thina.”
Lapho ushejula ukuhlanza kwamaphakathi nokuhlala, kuwumqondo omuhle ukutshela izivakashi ngokuqondile ukuthi ubani ozofika, uzoqala ngasikhathi sini, nokuthi uzoba khona isikhathi esingakanani. Ukusho ngokucacile lokho ezingakulindela kubonisa ukuthi uyayihlonipha iphrayivesi nokuphepha kwazo.
Ungase futhi uzinike amasevisi engeziwe ngokuqhubekayo ngenkokhelo, okwenza ukwazi ukusekela iqembu lakho elihlanzayo futhi ugcine indawo yakho ihlanzekile.
Ukutusa amasevisi endawo
Izivakashi ngokuvamile aziyazi indawo yakho njengawe. Ukuzithumelela amacebiso endawo emyalezweni noma encwadini yeziqondiso kungazisiza zizuze kakhulu ekuvakasheni kwazo.
Yenza uhlu olufushane, ucabange ngamasevisi izivakashi ezihlala isikhathi eside ezingase ziwadinge, njengokuhamba nezinja, ukudiliva ukudla, noma ukulungisa i-laptop. Ukutusa abathengisi bendawo kungakusiza uxhumane nezivakashi zakho kuyilapho usekela umphakathi wakini.
Tshela izivakashi ngezindawo ozithandayo, ikakhulu izindawo ezingadumile okumelwe nakanjani ziye kuzo. Ungakhohlwa ukusho imigubho noma eminye imicimbi emikhulu yomphakathi ezoba khona phakathi nokuhlala kwazo.
Ukukunika okukhethekile
Izenzo ezikhethekile zivame ukwenza izivakashi zizizwe zaziswa. Ungashiya ikhadi emnyango elinamazwi ambalwa okubonga (“Ngiyabonga ngokuhlala nathi”) nesipho esicatshangwe kahle:
- Ibhodlela lewayini lesifunda
- Isinkwa esisanda kubhakwa
- Into eyisikhumbuzo yasendaweni
“Kuba ngcono uma sisincane futhi singasindi,” kusho u-Donna, uMbungazi Ovelele e-San Francisco. “Mina ngithanda into edliwayo, ukuze bayidle ngaso leso sikhathi uma befuna.” Izinto ezenziwe endaweni zingajabulisa izivakashi ngaleso sikhathi futhi ziyikhumbule kahle indawo yakho ngemva kokuphuma.