Sebenzisa amathuluzi e-Airbnb okusiza ekubungazeni
Isici esisemqoka sokuba uMbungazi Ongumsizi osemnkantsh 'ubomvu ophumelelayo ukunquma ukuthi wena noMbungazi nizowuhlukanisa kanjani umsebenzi wokuphatha indlu.
Ingabe wena noMbungazi nobabili nizothumela imiyalezo ezivakashini, noma omunye wenu uzokwenza lokho? Ingabe uzophatha yonke indlu futhi uthintane noMbungazi ngezinkinga ezithile kuphela, njengezicelo zokubuyiselwa imali? Noma yini oyinqumayo, i-Airbnb inikeza amathuluzi okusiza ekwenzeni ukubungaza kube lula.
Ukusetha izimvume zoMbungazi Ongumsizi
Uma uMbungazi ekumema ukuba ubungaze indlu yakhe, uzocelwa ukuba akhethe ukuthi yini ongangena kuyo. Ongakukhetha kuhlanganisa:
- Imvume ephelele
- Imvume yekhalenda ne-inbox
- Imvume yekhalenda kuphela
Ngemvume ephelele, ungakwazi:
- Ukwenza indlu entsha
- Ukuthumela umyalezo ezivakashini uthole nezaziso
- Ukuthuthukisa ikhalenda
- Ukubheka umlando wamathranzekshini
- Ukunakekela indlu, kuhlanganise nokubeka inani neminye imininingwane
- Ukunakekela ukubhukha, okuhlanganisa ukwamukela nokwenqaba izicelo zohambo, ukukhansela, nezicelo zeSikhungo Sezixazululo
- Ukuthumela isicelo sokubuyiselwa imali
- Ukufaka noma ukhiphe abanye aBabungazi Abangabasizi, ukuhlela izimvume, futhi uziqoke wena noma omunye uMbungazi Ongumsizi njengoMbungazi oyinhloko wendlu
Sicela uphawule ukuthi ngisho noma unemvume ephelele, awukwazi:
Ukusetha noma ukushintsha imali ekhokhelwa abanye aBabungazi Abangabasizi
Ukumenenja izicelo zokubuyiselwa imali uma sezithunyelwe
Ukubheka noma ukushintsha indlela yokukhokhelwa noma imininingwane yomkhokhi wentela yomnikazi wendlu noma yomunye uMbungazi Ongumsizi
Ukuxhumana ngokuphumelelayo
Kuwumbono omuhle ukusungula uhlelo naBabungazi ukuze wazi ukuthi obani abazoba nomthwalo wokuphendula izivakashi nokunakekela okunye ukukhulumisana. Ababungazi bangase bafune ukuba unakekele konke, noma bangase bakhethe ukuhlukanisa umsebenzi.
Izici zokuxhumana ongazicabangela zihlanganisa:
Imilayezo yansuku zonke, ukuphendula imibuzo, nokunikeza izixazululo kunoma yiziphi izinkinga ezivelayo
Ukuphendula izicelo zokubhukha uma indlu ingakusebenzisi Ukubhukha Okusheshayo
Ukuthumela izicelo zokubuyiselwa imali (nakuba kungabanikazi bezindlu kuphela abangamenenja lokhu uma sekuthunyelwe)
Ukuthintana neThimba Elisiza Umphakathi ukuze uthole usizo
Ukumenenja abanye aBabungazi Abangabasizi
USabrina, uMbungazi Ongumsizi osemnkantsh 'ubomvu eDenver, eColorado, ukuthola kuwusizo ukugcina ukukhulumisana nezivakashi kumuntu oyedwa, uthi, “ngakho kuhlale kungaguquguquki maqondana nezinqubomgomo ezinjengezaphulelo, ukubuyiselwa imali, nezinkinga zezivakashi.”
Izinkinga zingavela uma lungekho uhlelo olucacile. “Uma kunabantu ababili abahlukanisa lolu hlobo lomsebenzi, izinto zingadida,” kusho uDominic, uMbungazi Ongumsizi osemnkantsh 'ubomvu eCornwall, e-England. “Yilapho ngempela izinto zingalahleka khona, abahlanzayo abakakulungeli, zonke izinto ezinjalo.”
Ukuqonda indlela ukukhokhelwa okusebenza ngayo
ABabungazi bangasebenzisa amathuluzi okukhokhelwa ombungazi ongumsizi ukuze babelane nawe ngamaphesenti athile noma inani elingaguquki lokubhukha ngakunye ku-Airbnb. Bangakhetha indlela eyodwa kwezine yokukhokhelwa:
Yabelana ngezindleko zokuhlanza
Yabelana ngezindleko zokuhlanza kanye namaphesenti athile enani lokubhukha
Yabelana ngamaphesenti athile emali ngayinye oyikhokhelwayo
Yabelana ngenani elingaguquki lemali ngayinye oyikhokhelwayo
Ngabanikazi bendlu kuphela abangasetha imali ekhokhelwayo. Eminye imingcele ingase isebenze ngokusekelwe endaweni yoMbungazi neyoMbungazi Ongumsizi.
Lapho uMbungazi esetha ukukhokhelwa kombungazi ongumsizi, unezinsuku ezingu-14 zokukuqinisekisa noma zokukwenqaba. Ngokuvamile uzoxoxa futhi uvumelane noMbungazi ngenani ozolikhokhelwa nendlela yokukhokhelwa ngaphambi kokuba athumele isicelo sakhe, kodwa uma uyenqaba isethaphu yokukhokhelwa, uMbungazi kuzodingeka athumele isicelo esisha.
Uma uqinisekisa ukukhokhelwa, uzoqala ukukhokhelwa ngokubhukha cishe emahoreni angu-24 ngemva kokungena. Uma umnikazi wendlu enza izilungiso ekukhokhelweni okukhona, zizosebenza kuphela ekubhukheni okuqala ngemva kokuqinisekisa izilungiso.
Imininingwane ekulesi sihloko kungenzeka isishintshile selokhu sashicilelwa.