Lokho Ababungazi okudingeka bakwazi ngesimemezelo se-Airbnb
Okuvelele
Sikholelwa ukuthi maduze kuzoba noshintsho olukhulu ekuvakasheni futhi sifuna ukukusiza ululungele
Simemezela ukuthuthukiswa ngokuphelele kwe-app yethu, amawebhusayithi, izinqubomgomo, nokunye
Ushintsho luhlanganisa Ithimba Elisiza Umphakathi elithuthukisiwe, amathuluzi angcono okuthumela imiyalezo, neZiqondiso Zokufika kwezivakashi ezithunyelwa ngokuzenzakalelayo
Njengoba izindawo eziningi emhlabeni ziqala ukuvulwa kabusha, silindele ukuba ukuvakasha kubuye ngokuphawulekayo ngendlela okungakaze kwenzeke ngayo eminyakeni eyikhulu edlule. Ukuze sikusize ukulungiselele, i-CEO ye-Airbnb u-Brian Chesky unikeze umbiko omusha ngemikhuba ethandwayo ezoba isisekelo sokuvakasha esikhathini esizayo.
Uphinde wanikeza namathuluzi, izici, nezilungiso ezintsha ezingaphezu kuka-100 ku-Airbnb ezizosiza Ababungazi emhlabeni jikelele bakwazi ukusizakala ngaleli thuba eliyingqayizivele. Hlola ividiyo engenhla yesimemezelo sika-Brian nemininingwane eyengeziwe.
Le ndlela entsha yokusebenza kulo lonke lolu shintsho yenza izinto zibe lula:
- Kulula ukufakela izivakashi ugqozi, ukuthola indlu ekahle, nokubhukha ngokushesha ngezici ezintsha ezinjengezindawo ezivumelana nezimo nezinsuku ezivumelana nezimo
- Kulula ngaBabungazi abasha ukuba baqale ngezinyathelo ezimbalwa ngosizo oluthuthukisiwe nezinsiza eziwusizo
- Futhi okubaluleke nakakhulu, ngemva konyaka okube nzima ngawo ukubungaza kunanini ngaphambili, kulula ngaBabungazi ukuba bamenenje imisebenzi yabo yansuku zonke, bajabulise zonke izivakashi, futhi bachume ku-Airbnb
Ukuqonda olunye loshintsho olubaluleke kakhulu
Njengoba Ababungazi abaningi belungiselela isidingo esikhulayo ekuvakasheni, sifuna ukwenza amathuluzi nezici zethu zibe namandla kakhudlwana, ukutshelwa umzwelo, futhi zisebenziseke kalula. Nakhu ukuthuthukisa okumbalwa okujabulisayo esikwenzile:
I-app newebhusayithi esebenziseka kalula nenokwethenjelwa
Senze ushintsho olubalulekile ezinkinobhweni zokunavigeyitha eziyinhloko ze-app newebhusayithi ye-Airbnb ukuze kube lula ukuthola lokho okudingayo. Ngemva kokuthola imibiko eminingi evela kuBabungazi ngale ndaba, siphinde sayenza yafana indlela i-app newebhusayithi esebenziseka ngayo ukuze ubone izinkinobho namathebhu afanayo, kungakhathaliseki ukuthi usebenzisa yiphi idivayisi.
Ithebhu yaNamuhla: ikhasi lokuqala elisha lokubungaza
Njengengxenye yalokhu kulungisa, siphinde sanezela indawo entsha sha yaBabungazi ebizwa ngokuthi ithebhu yaNamuhla. Ithebhu yaNamuhla inemisebenzi ebaluleke kakhulu, imiyalezo, nezilungiso endaweni eyodwa, okukusiza ukuba umenenje imisebenzi yakho yansuku zonke njengoMbungazi esikrinini esisodwa.
Ngokudlule, Ababungazi bebesitshela ukuthi kubathatha isikhathi eside ukuthola lokho abakudingayo. Ngale thebhu yaNamuhla, kunesikrini esisodwa—esitholakala kunoma iyiphi idivayisi—ongahlola kuso ngokushesha nakalula ukuze ukwazi ukubona ukubhukha, izicelo, imibuzo, izindaba, nemiyalezo yakho.
Funda ngendawo yakho entsha yokusebenza
I-inbox engcono, esheshayo
Bonke Ababungazi abakahle bayazi ukuthi ukuhlala kwezinkanyezi ezingu-5 kuqala ngokukhulumisana okuhle nezivakashi. I-inbox yakho iyingxenye ebucayi yamathuluzi akho okubungaza, futhi siye senza izilungiso ezibalulekile ukuze ibe ngcono.
I-inbox entsha ishesha izikhathi eziphindwe cishe kayishumi futhi ihlanganisa izici ezibalulekile ezinjengokusesha nesihlungi ukuze ukwazi ukuthola imiyalezo ebalulekile ngokushesha. Siphinde sanezela namathuluzi onga isikhathi njengemiyalezo eshejuliwe nezimpendulo ezisheshayo ukuze sikusize wenze inqubo yakho yokubungaza izenzakalele futhi ibe lula.
Iziqondiso Zokufika kwezivakashi ezintsha, ezithunyelwa ngokuzenzakalelayo
Ukungena kungaba isimo esenza konke ukubhukha kube kuhle noma kube kubi. Sithole umbiko ovela kuBabungazi wokuthi ukumenenja ukungena kungaba yisicefe futhi kudle nesikhathi.
Kule nyanga, sethula ithuluzi elisha elimisa ngokuzenzakalelayo imininingwane ebucayi kakhulu yokungena ekubhukheni ngakunye phezu kwethebhu yezivakashi zakho ethi Uhambo emahoreni angama-48 ngaphambi kokungena.
Hlola Iziqondiso Zokufika ezintsha futhi ulungise ezakho
Amasevisi Ethimba Elisiza Umphakathi athuthukisiwe
Amathuluzi ethu Ethimba Elisiza Umphakathi namaNxusa e-Airbnb umgogodla wobuhlobo bethu naBabungazi. Ngokusekelwe embikweni wakho, sihlela kabusha indlela othola ngayo usizo ukuze sikusize kangcono.
Lokhu kuhlanganisa ukuliphinda izikhathi ezingaphezu kwezimbili inani lamaNxusa kusukela ngalesi sikhathi ngonyaka odlule, ukubeka kuqala ukuqonda isimo kukho konke ukukhulumisana kwethu ku-Help Center, nokwenza izinqubomgomo zethu zicacele wonke umuntu futhi zingaziphikisi. Sisebenzela nokunikeza Usizo Lwababungazi Abavelele Abazinikele, siqale e-North America ngo-September 30, 2021, siqhubekele nasemhlabeni jikelele kuze kuphele u-2021.
Thola okwengeziwe ngeThimba Elisiza Umphakathi eselithuthukisiwe
Lolu ushintsho olumbalwa ezicini ezithuthukisiwe ezingaphezu kuka-100 esizikhipha kule nyanga. Sikukhuthaza ukuba uhlole uhlu oluphelele lwezinto ezilungisiwe, zama amathuluzi nezici ezintsha, futhi usinike umbiko wendlela esingaqhubeka sithuthukisa ngayo.Okuvelele
Sikholelwa ukuthi maduze kuzoba noshintsho olukhulu ekuvakasheni futhi sifuna ukukusiza ululungele
Simemezela ukuthuthukiswa ngokuphelele kwe-app yethu, amawebhusayithi, izinqubomgomo, nokunye
Ushintsho luhlanganisa Ithimba Elisiza Umphakathi elithuthukisiwe, amathuluzi angcono okuthumela imiyalezo, neZiqondiso Zokufika kwezivakashi ezithunyelwa ngokuzenzakalelayo