Yini okufanele ngiyenze uma ngifuna ukuhambela Okokuzithokozisa kwe-Airbnb okubandakanya ukudla, futhi mina noma engihamba nabo siba nokungezwani komzimba nokudla okuthile?

Lokhu okuqukethwe kusungulwe yi-Airbnb futhi kuyahambisana nezindinganiso zobuchwepheshe bokuphepha kokudla ze-Pan American Health Organisation (PAHO).

Okokuzithokozisa kokudla kuyindlela enhle kakhulu yokufunda into entsha. Nakuba ukungezwani komzimba nokudla okuthile kungamelwe kuvimbele wena noma ohamba nabo ekubambeni iqhaza kokokuzithokozisa, kunezinto ezibalulekile okufanele uzicabangele ukuze uqiniseke ukuthi uyakwazi ukujabulela ngokuphephile okokuzithokozisa okubandakanya ukudla.

• Njalo dalula ukudla okungezwani nomzimba wakho kubabungazi bakho kusenesikhathi ukuze ukwazi ukuxoxisana ngokuthi imenyu yabo ingashintshwa kanjani uma kungenzeka ukuze bagweme ukudla okungezwani nomzimba wakho.
• Cacisa kumbungazi wakho uma kunokudla okungezwani nomzimba wakho noma labo ohamba nabo—ungamane nje ubuze ababungazi bakho ukuthi izithako ezithile zisetshenzisiwe na noma ucabange ukuthi imenyu eku-inthanethi izoveza zonke izithako. Kubaluleke kakhulu ukuthi umbungazi wakho azi ngokungezwani komzimba nokudla okuthile, njengoba kungathinta ezinye izigaba zokokuzithokozisa, njengokulungiselela ukudla nokuphaka.
• Thumela umbungazi wakho umyalezo ukuze nixoxisane ngezithako ezithile kanye nobungozi bokudungeka kokudla yigciwane elivela kokunye ukudla ngesikhathi sokugcinwa, sokupheka kanye nokuphakwa kokudla.
• Lapho ufika kokokuzithokozisa, khumbuza umbungazi wakho ngokungezwani komzimba nokudla okuthile futhi uqiniseke ukuthi wonke umuntu obamba iqhaza ekubungazeni okokuzithokozisa nokulungiselela kanye nokuphakwa kokudla kwakho uyayiqonda imininingwane yokungezwani komzimba nokudla okuthile nokuthi ukudungeka kokudla yigciwane elivela kokunye ukudla kungagwenywa kanjani.
• Zilungiselele—akukhathaleki ukuthi wena noma ohamba nabo nihlele ngokucophelela kangakanani noma ukuthi nizizwa niphephe kangakanani ngokokuzithokozisa okuthile, izingozi zingahle zenzeke. Njalo hlala une-epinephrine auto-injector kanye nanoma yimiphi eminye imishanguzo enikezwe ngudokotela. Cabangela ukugqoka isazisi sezokwelapha (isib: isongo noma obunye ubucwebe).
• Uma wena noma ohamba nabo ninikezwe umjovo we-epinephrine auto-injector futhi ningenawo ngesikhathi sokokuzithokozisa, wena noma bona akumelwe nidle. Ucwaningo luye lwabonisa ukuthi ukujovwa okusheshayo kwe-adrenaline autoinjector kungukwelashwa kwe-anaphylaxis okuyinhloko.
• Qaphelisisa ukuthi kungakanani ukuphuzwa kotshwala, njengoba kungase kuthuntubaze ikhono lokuthatha isinqumo esinengqondo ngokukhetha ukudla okufanele, kanye nokunakekelwa okuphuthumayo uma kuvela ukungaphatheki kahle komzimba.

Kubalulekile ukuqaphela ukuthi kufanele ucabangele abantu ohamba nabo futhi ubanakekele, ukuze uma noma ngubani eqenjini lakho engaqiniseki ngokuphepha kokudla, angakudli.