Indlela yokuvikela izingane ekuxhashazweni ngokocansi

NjengaBabungazi, ningathatha izinyathelo zokugcina izingane ziphephile ekuxhashazweni ngokocansi ezindlini zenu. Sinalokhu engqondweni, sinikhuthaza ukuba nibike lokho eninezinsolo zokuthi kungukuxhashazwa ngokocansi kwezingane ku-CyberTipline. Futhi, kudingeka nilandele inqubomgomo ye-Airbnb ekusebenziseni amakhamera namadivayisi okurekhoda uma nisebenzisa amakhamera ngaphakathi noma ngaphandle kwendlu. Njengoba kuboniswe kunqubomgomo, amadivayisi akufanele amonithe izindawo eziphrayivethi futhi kufanele izivakashi zitshelwe ngawo encazelweni yendlu.

Ukuchaza ukuxhashazwa kwengane ngokocansi

Ukuxhashazwa kwengane ngokocansi kungenzeka ngezindlela eziningi futhi ngokuvamile kuchazwa kanje:

1. Ukuphoqa noma ukukhuthaza ingane ukuba yenze noma yiluphi uhlobo locansi
2. Ukusetshenziswa kwezingane ekudayiseni ngomzimba noma eminye imikhuba yocansi
3. Ukusetshenziswa kwezingane ekwenzeni izenzo, amaphefomensi, nezincwadi zabantu abenza ucansi (pornography)

Izimpawu okufanele uzibheke

Izingane ezinukubezwayo zingabonisa izici ezihlukahlukene zomuntu oye wabhekana nokuhlukumezeka. Ngezansi kunezinye zezimpawu ezivamile zokuthi kungenzeka ingane ibhekana nokuxhashazwa ngokocansi:

• Izimpawu ezingokoqobo zokuhlukunyezwa
• Ibonakala idakwe yizidakamizwa noma utshwala
• Ukuthintana okungafanele phakathi kwengane nomuntu omdala

Ukuxhashazwa kwengane ngokocansi kungenzeka ku-inthanethi noma ngokoqobo, futhi ucwaningo lubonisa ukuthi intombazane eyodwa kwangu-5 nomfana oyedwa kwabangu-20 bazobhekana nohlobo oluthile lokuhlukunyezwa ngokocansi ngaphambi kweminyaka engu-18. Intsha ye-LGBT cisheinamathuba angaphezu kwezikhathi ezingu-7,4 okubhekana nezenzo zodlame olungokocansi kunentsha evamile engenamakhaya.

Ukunciphisa ingozi yokuxhashazwa kwengane ngokocansi

Uma Ababungazi besebenzisa amakhamera ezindlini zabo, amadivayisi akufanele amonithe izindawo eziphrayivethi njengamakamelo namagumbi okugezela. Wonke amadivayisi asezindaweni ezihlanganyelwayo kufanele izivakashi ziwazi ukuze zithathe izinyathelo ezifanele zokuqinisekisa ukuthi amakhamera awathwebuli ngengozi izithombe zezingane ezinqunu ezihlala kuleyo ndlu. Ababungazi kufanele futhi bavumele izinqubo ezinamandla zokuphepha kwezobuchwepheshe ukuze kuncishiswe amathuba okuhekhwa kwamakhamera asetshenziselwe ukuthwebula izithombe zezingane ezinqunu.

Ukuze uthole imininingwane eyengeziwe ngendlela yokuvimbela ukuxhashazwa kwezingane ngokocansi, ungahlola izincwadi ezifundisayo ezivela ku-National Center for Missing and Exploited Children, I-ECPAT-USA, ne-International Center for Missing & Exploited Children.