Hambisa phambili ukuthola imiphumela esikiselwe
    Lokhu okuqukethwe akutholakali ngolimi lwakho olukhethiwe, yingakho sikwenze kwatholakala ngolimi oluseduze kakhulu olutholakala manje.

    Izimpendulo zezivakashi mayelana ne-COVID-19

    Funda indlela esikusiza ngayo ngezindlela ezivumelana nezimo ongazikhetha, izindawo zokuhlala ezihlanzekile, nokunye.
    Ngu Airbnb ngo- Mas 10, 2020
    okufundwayo kwemizuzu engu-5
    Kulungiswe ngomhla ka- Jun 25, 2021

    Siyazi ukuthi kusenokungabaza okuningi mayelana ne-COVID-19 nokuthi izozithinta yini izinhlelo zokuvakasha kwakho njengoba ukuvakasha kubuya ezinyangeni ezizayo. Ukuze sisize izivakashi, silandelela imibuzo yenu futhi siphendule eminye yayo lapha. Sizolokhu sibuyekeza leli khasi njengoba isimo silokhu sishintsha nanjengoba kutholakala izimpendulo ezengeziwe.

    Kudingeka ngikhansele uhambo lwami. Yini engingayenza?
    Izinqubomgomo zokukhansela zibekwa Ababungazi futhi zingahlukahluka. Ungathola imininingwane ngenqubomgomo yokukhansela yendawo ngayinye yokuhlala ekhasini lokuqala lendlu ngayiye noma engxenyeni ethi Uhambo yewebhusayithi noma i-app ye-Airbnb ekubhukheni kwakho.

    Izivakashi ezenza ukubhukha okusha ngemva kuka-March 14, 2020 ngeke zibuyiselwe imali ngaphansi kwenqubomgomo yezimo ezingalindelekile uma zikhansela ngenxa ye-COVID-19 ngaphandle uma zigula ziphethwe yi-COVID-19. Funda kabanzi ngenqubomgomo yethu yezimo ezingalindelekile.

      Ngifuna ukubhukha uhambo, kodwa angiqiniseki ukuthi isimo se-COVID-19 noma imingcele yokuvakasha kwamanye amazwe izoqhubeka ishintsha ngayiphi indlela. Yini okufanele ngiyenze?
      Kuyaqondakala ukuthi ungase uzizwe ungaqiniseki ngokubhukhela ukuvakasha esikhathini esizayo njengamanje. Sinxusa zonke izivakashi ukuba ziyicabangele ngokucophelela inqubomgomo yokukhansela kunoma ikuphi ukubhukha ezikwenzayo futhi zikhethe izindlu ezivumelana nezimo. Sifake isihlungi ukuze sikwenzele kube lula ukusesha izindawo ezinezinqubomgomo zokukhansela ezivumelana nezimo. Sisungule nale nsiza ukuze izivakashi zifunde kabanzi ngomshwalense wokuvakasha wezinye izinkampane ezingawukhetha. Izivakashi ezenza ukubhukha okusha ngemva kuka-March 14, 2020 ngeke zibuyiselwe imali ngaphansi kwenqubomgomo yezimo ezingalindelekile uma zikhansela ngenxa ye-COVID-19 ngaphandle uma zigula ziphethwe yi-COVID-19.

      Ngingazitholaphi izindawo zokuhlala ezinezinqubomgomo zokukhansela ezivumelana nezimo?
      Sinezele isihlungi sokwenza kube lula ngawe ukusesha izindawo ezinezinqubomgomo zokukhansela ezivumelana nezimo. Funda kabanzi ngesihlungi. Khumbula ukuthi izinqubomgomo zokukhansela zisethwa Ababungazi futhi zingahlukahluka. Ungathola imininingwane ngenqubomgomo yokukhansela yendawo ngayinye yokuhlala ekhasini lokuqala lendlu ngayinye.

      Ngingayitholaphi imininingwane mayelana nemingcele neziqondiso zokuvakasha endaweni?
      Imiphakathi eminingi ikhiphe iziqondiso zokuvakasha noma imingcele yesikhashana ngokuvakasha (okuhlanganisa ukuqasha kwesikhashana). Situsa ukuba uhlole imingcele neziqondiso zokuvakasha zendawo ukuze uthole ukuthi ukuhlala kwakho kuyathinteka yini.

      Angikwazi ukubuyiselwa imali ngenxa yenqubomgomo yokukhansela yoMbungazi wami. Kungani?
      I-Airbnb iwumphakathi wezivakashi naBabungazi abahlanganiswa yile nkundla. Ababungazi bayanquma ukuthi bakhokhisa malini, babeke imithetho ngendawo, nenqubomgomo yabo yokukhansela. Ungathola imininingwane ngenqubomgomo yokukhansela yendawo ngayinye yokuhlala ekhasini lokuqala lendlu ngayinye noma engxenyeni ethi Uhambo yewebhusayithi noma i-app ye-Airbnb yokubhukha kwakho. Ezimweni eziningi, Ababungazi bathembele eholweni labo le-Airbnb ukuze baziphilise, okungakwenza kube nzima ngabo ukuba bayekethise kuzinqubomgomo zabo.

      UMbungazi wami uye wakhansela. Yini ezokwenzeka?
      Siyazi ukuthi ukukhansela kungacasula, ngisho nalapho kwenzeka ngenxa yesizathu esiqondakalayo. Khumbula ukuthi Ababungazi abaningi abakhansela ukubhukha kungenzeka baphazanyiswe yi-COVID-19 noma benzela ukusiza ekuvikeleni inhlalakahle yomphakathi wethu wonkana.

      Uma uMbungazi wakho ekhansela, ungase ufanelekele ukubuyiselwa imali ephelele. Hlola ingxenye ethi Uhambo yewebhusayithi noma i-app ye-Airbnb ubheke imininingwane yokubuyiselwa imali.

      Uma kusadingeka uthathe uhambo, sithemba ukuthi uzokhetha ukubhukha kabusha ku-Airbnb.

      Hlobo luni lwempilo, ukuphepha, namaphrothokholi okuhlanza abekelwe izivakashi naBabungazi phakathi nokuhlala?
      Ukuphepha komphakathi wethu kuyinto esemqoka, ngakho sisungule iqoqo lezinyathelo zokuphepha ze-COVID-19 eziyimfuneko zaBabungazi nezivakashi zezindlu ze-Airbnb, ngokusekelwe eziqondisweni ezivela kochwepheshe abanjenge-World Health Organization kanye ne-U.S. Centers for Disease Control and Prevention. Ababungazi emhlabeni jikelele bazibophezele ezinyathelweni zethu ezithuthukisiwe zokuphepha nokuhlanza ze-COVID-19 ukuze bakunikeze ukuthula kwengqondo. Thola okwengeziwe lapha.

      Muva nje, siyekile ukusebenza ngezimfuneko zikawonk'uwonke zokugqokwa kwezifonyo nokuqhelelana. Kunalokho, siqala ukucela Ababungazi nezivakashi ukuba balandele imithetho neziqondiso zendawo njengoba i-Airbnb inezindlu emhlabeni jikelele futhi imiphakathi eminingana isemabangeni angafani emizamo yokunqanda i-COVID-19. Situsa ukuhlolwa kweziqondiso zempilo nokuphepha ukuze siphephe ku-COVID-19, ukuqapha imingcele neziqondiso zokuvakasha zohulumeni, nokulandelwa kwazo zonke iziqondiso zikazwelonke nezendawo ngayinye lapho uvakasha.

      Ngifuna ukubhukha Okokuzithokozisa Kwe-Airbnb okungokoqobo. Yini okudingeka ngiyazi?
      Sikuvule kabusha okokuzithokozisa okungokoqobo ezindaweni lapho kuvunyelwe khona ukwenza kanjalo, futhi sifake iziqondiso zempilo nokuphepha ezidinga Ababungazi nezivakashi bagqoke izinto zokwemboza ubuso futhi baqhelelane uma kudingeka kanjalo emithethweni noma eziqondisweni zendawo. Njengoba imingcele yohulumeni ishintsha, kungase kudingeke simise okwesikhashana okokuzithokozisa endaweni ngemva kokuba isivulwe kabusha futhi sizokutshela uma lokho kwenzeka. Uma kwenzeka ubhukhe okokuzithokozisa okungokoqobo endaweni emisiwe okwesikhashana, uzothola ikhuphoni elingu-$25 USD ukuze ujoyine okokuzithokozisa kwesikhathi esizayo. Thola imininingwane ngokuvula kabusha

      Uma uncamela okokuzithokozisa okungokoqobo neqembu lakho kuphela, cabangela ukubhukha okuphrayivethi. Uma okokuzithokozisa okungokoqobo kungakavulwa emphakathini wakini, hlola okokuzithokozisa kwe-inthanethi. Kungakhathaliseki ukuthi ufuna ukufunda ikhono elisha, ukuxhumana nabangane kwezokuzijabulisa, noma ukuzama okuthile kokuqinisa iqembu nalabo osebenza nabo, manje ungenza kanjalo uhlezi endlini yakho. Kusukela ekufundeni izimfihlo zemilingo kuya ekuphekeni nomndeni wase-Morocco kuya ekuzindleni nendela eliyi-Buddhist, kuningi okokuzithokozisa kwe-inthanethi ongakuzama.

      Ingabe izivakashi kufanele zilandele izinyathelo zokuphepha ze-COVID-19 ze-Airbnb?
      Njengoba ubhubhane luqhubeka, kubalulekile ukuba sonke senze ingxenye yethu ekunqandeni ukubhebhetheka kwe-COVID-19. Sinalokhu engqondweni, sisungule izinyathelo zokuphepha eziyimfuneko okumelwe wonke umuntu emphakathini we-Airbnb azilandele, ngokusekelwe esiqondisweni sochwepheshe bezempilo njenge-U.S. Centers for Disease Control and Prevention. Njengengxenye yezinyathelo zokuphepha, izivakashi naBabungazi kumelwe bavume—uma imithetho noma iziqondiso zendawo zifuna kanjalo—ukugqoka isifonyo noma into emboza ubuso lapho bexhumana ngokoqobo futhi baqhelelane.

      Ngibhukhe indawo yokuhlala ku-Airbnb yomcimbi okhanseliwe. Ingabe ngingakhansela ukubhukha kwami?
      Siyazi ukuthi izivakashi zethu eziningi zibhukha izindawo zokuhlala ku-Airbnb zibhukhela imicimbi. Uma umcimbi obuhlela ukuya kuwo usukhanseliwe futhi ukubhukha kwakho akunayo ikhava yenqubomgomo yezimo ezingalindelekile, sicela uhlole inqubomgomo yokukhansela ekubhukheni kwakho. Futhi, zizwe ukhululekile ukuthintana noMbungazi wakho ngokuqondile.

      Iyini inqubomgomo yezimo ezingalindelekile?
      Inqubomgomo yezimo ezingalindelekile ye-Airbnb inikeza izivakashi naBabungazi ithuba lokukhansela ngaphandle kwezindleko uma bethintwa izinto ezinjengokulimala noma ukugula okubi kakhulu, izinhlekelele zemvelo, imingcele yokuvakasha, nezinye izigameko ezingalindelekile. Izivakashi ezenza ukubhukha okusha ngemva kuka-March 14, 2020 ngeke zibuyiselwe imali ngaphansi kwenqubomgomo yezimo ezingalindelekile uma zikhansela ngenxa ye-COVID-19 ngaphandle uma zigula ziphethwe yi-COVID-19. Ukuze uhlole izindlela zokukhansela ezitholakalayo ekubhukheni kwakho, sicela uvakashele ingxenye ethi Uhambo yewebhusayithi noma i-app ye-Airbnb.

      Ngibhukhe indlu ye-Airbnb Luxe. Ingabe nginayo ikhava yenqubomgomo yezimo ezingalindelekile?
      Inqubomgomo yethu yezimo ezingalindelekile ayisebenzi ekubhukheni kwe-Airbnb Luxe, okungaphansi kwenqubomgomo yokubuyiselwa imali yesivakashi ye-Luxe ehlukile.

      Kukhona yini okunye okunganginika ulwazi lapho ngivakasha?
      Ukuze uthole imininingwane yakamuva ngemingcele neziqondiso zokuvakasha, hlola le nsiza.

      Ukuze unciphise ukubhebhetheka kwe-COVID-19, ungadawuniloda ama-app Ezaziso Zokuchayeka Egciwaneni ocingweni lwakho. Lawa ma-app ezinye izinkampane, asungulwe iziphathimandla zempilo zomphakathi emhlabeni wonke ngokusekelwe ebuchwephesheni be-Google ne-Apple, ayakutshela uma uye wasondelana nomuntu othole imiphumela yokuba phozithivu lapho ethesta i-COVID-19. Funda kabanzi ngeZaziso Zokuchayeka Egciwaneni, izinyathelo zazo zephrayivesi, nendlela yokuthola izixwayiso.

      Ngisenemibuzo. Kufanele ngithintane nobani?
      Ngenxa yomphumela ukubhebhetheka kwe-COVID-19 okuwubangele ekuvakasheni emhlabeni wonke, ithimba elisiza umphakathi wethu lisathola izingcingo nemiyalezo eminingi ngokuphawulekayo. Uma isimo sakho sidinga usizo olusheshayo elungwini lethimba elisiza umphakathi, ungathintana nathi ngokuqondile nge-app.

      Ungathola izimpendulo nasemibuzweni eminingi onayo ngamathuluzi esevisi yokuzenzela esiyisungulile ekwenza kube lula ukuba uzixazululele izinkinga ngokwakho. Sicela uvakashele le nsiza uthole imingcele yokuvakasha yakamuva noma i-Help Center ukuze uthole izinsiza nemininingwane eyengeziwe.

      Siyayazi indlela i-COVID-19 ephazamise ngayo izivakashi, futhi sizokusiza. Siyabonga ngokubambisana nathi ekuvikeleni ukuphepha nenhlalakahle yomphakathi wethu.

      Imininingwane ekulesi sihloko kungenzeka ishintshile selokhu sashicilelwa.

      Airbnb
      Mas 10, 2020
      Ingabe lokhu kube wusizo?